Image by Workers Circle

איוו יאָכנאָוויץ, אַן עקספּערטין פֿון דער ייִדישער קיך, האָט אָנגעזאַמלט אַ ים מיט רעצעפּטן, לויט וועלכע מע קען קאָכן די ייִדישע מאכלים אויף אַ מער געזונטן אופֿן.

כּדי צו ווײַזן דעם עולם ווי אַזוי צוצוגרייטן פּסחדיקע געריכטן צוגעפּאַסט פֿאַר ספּעציעלע דיעטעס, וועט זי לערנען אַ קלאַס אויף ייִדיש דורכן „אַרבעטער־רינג“. דער קלאַס וועט זיך טרעפֿן פֿיר מאָל דורך „זום“, יעדן מיטוואָך 1:00 ביז 2:30 נאָכמיטאָג ניו־יאָרקער צײַט, פֿונעם 3טן ביזן 24סטן פֿעברואַר. דער שׂכר־לימוד איז $120 פֿאַר מיטגלידער פֿונעם „אַרבעטער־רינג“ און $150 פֿאַרן ברייטן עולם.

ווי יאָכנאָוויץ גיט איבער אין דער באַשרײַבונג פֿונעם קורס, זענען די פּסחדיקע מאכלים זייער שווער צו מאַכן פֿאַר די, וואָס זענען וועגאַנער אָדער קענען ניט עסן קיין גלוטען אָדער מילכיקע פּראָדוקטן. אַ דאַנק דעם וואָס זי פֿאָרשט שוין אַ יאָרצענדליק די געשיכטע פֿון וועגעטאַרישקייט בײַ ייִדן, ווייסט יאָכנאָוויץ ווי אַזוי ייִדן אין דער אַלטער היים האָבן זיך אַן עצה געגעבן מיטן צוגרייטן יום־טובֿדיקע מאכלים וואָס זענען סײַ באַטעמט, סײַ פּאַסיק פֿאַר די וואָס האַלטן זיך בײַ באַגרענעצטע דיעטעס.

Yiddish Brief

A bissel of all things Yiddish: music, cooking, books and more.

Terms(Required)

I agree to the Forward's Terms of Service and Privacy Policy

Email(Required)

כּדי זיך צו פֿאַרשרײַבן, גיט אַ קוועטש דאָ.

איוו יאָכנאָוויץ איז די ענגלישע איבערזעצערין פֿון פֿאַני לעוואַנדאָס „וועגעטאַריש־דיעטישער קאָכבוך“, וואָס איז לכתּחילה אַרויס אין ווילנע אין 1938. זי פֿירט אָן מיט אַ קאָכבלאָג אויף ייִדיש און ענגליש, „אין מויל אַרײַן“ און איז די מיט־אָנפֿירערין פֿון דער קאָכפּראָגראַם „עסט געזונטערהייט“, וואָס ווערט פּראָדוצירט דורכן פֿאָרווערטס.

A message from our Publisher & CEO Rachel Fishman Feddersen

I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.

This year, we have stood together in strength and sorrow. Our Forward team has worked around the clock to help you find clarity amid the chaos.

At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.

Readers like you make it all possible. Support our work by becoming a Forward Member and connect with our journalism and your community.

—  Rachel Fishman Feddersen, Publisher and CEO

Join our mission to tell the Jewish story fully and fairly.

$36 $500

$120 $180 Other amount