Sutzkever Portrait by the Forward

קורס אויף ייִדיש און ענגליש וועגן סוצקעווערס פּראָזע

Course in Yiddish and English on Sutzkever’s prose

Image by Arndt Beck

אַ דאַנק שלום בערגערס נײַע איבערזעצונגען פֿון אַבֿרהם סוצקעווערס פּראָזע־ווערק, איז איצט דאָ אַ באַנײַטער אינטערעס צום גרויסן פּאָעטס קורצע דערציילונגען און פּראָזע־לידער.

פֿאַר די וואָס ווילן זיך פֿאַרטיפֿן אין דער טעמע און דערבײַ פֿאַרבעסערן זייער ייִדיש, וועט שיין בייקער, דער דירעקטאָר פֿונעם „ייִדישן קולטור־קאָנגרעס“, אָנפֿירן מיט אַ קורס וועגן סוצקעווערס ביכל „די נבֿואה פֿון שוואַרצאַפּל“. אינעם קלאַס וועט ער פֿאָרלייענען די דערציילונגען אויף ייִדיש און די סטודענטן וועלן קענען מיטלייענען אָדער אויף ייִדיש, אָדער אויף ענגליש. מע וועט אַרומרעדן די טעקסטן אויף ביידע שפּראַכן און ער וועט מסביר זײַן פֿאַרשידענע גראַמאַטישע פּיטשעווקעס און קולטורעלע און היסטאָרישע עלעמענטן. אַזוי אַרום האָפֿט בייקער, אַז די סטודענטן וועלן קענען זיך אָנכאַפּן אין ”עטלעכע פֿון די שווערסטע, אָבער הנאהדיקע פּראָזע־ווערק אויף מאַמע־לשון“.

דער קלאַס וועט זיך טרעפֿן יעדן זונטיק, 7:00 אין אָוונט ניו־יאָרקער צײַט דורך „זום“, פֿון זונטיק, דעם 11טן אַפּריל ביז זונטיק, דעם 2טן מײַ. דער שׂכר־לימוד איז $100.

כּדי זיך צו פֿאַרשרײַבן, פֿאַרבינדט זיך מיט שיין בייקער אויפֿן אַדרעס: kongres@earthlink.net.

שיין בייקער האָט אַ לאַנגע באַציִונג מיט סוצקעווערס פּראָזע־ווערק. אין די 1990ער יאָרן, ווען ער האָט זיך נאָך געהאַלטן בײַם אויסלערנען ייִדיש, האָט זײַן חבֿרטע און מענטאָרין, די אַקטריסע ליובאַ קאַדיסאָן, אים געשאָנקען אַן עקזעמפּלאַר פֿון „די נבֿואה פֿון שוואַרצאַפּל“ מיט סוצקעווערס חתימה. אין נאָוועמבער 2019 האָט בייקער, צוזאַמען מיט דער אַקטריסע מרים־חיה סגל, אויסגעפֿירט צוויי פֿון סוצקעווערס דערציילונגען ווי אַ שפּיל. משה יאַסור האָט רעזשיסירט די פֿאָרשטעלונג, וואָס איז, צוליבן קאָראָנאַ־ווירוס, מער ניט פֿאָרגעשטעלט געוואָרן פֿאַר אַן עולם.

קורס אויף ייִדיש און ענגליש וועגן סוצקעווערס פּראָזע

Your Comments

The Forward welcomes reader comments in order to promote thoughtful discussion on issues of importance to the Jewish community. All readers can browse the comments, and all Forward subscribers can add to the conversation. In the interest of maintaining a civil forum, The Forward requires that all commenters be appropriately respectful toward our writers, other commenters and the subjects of the articles. Vigorous debate and reasoned critique are welcome; name-calling and personal invective are not and will be deleted. Egregious commenters or repeat offenders will be banned from commenting. While we generally do not seek to edit or actively moderate comments, our spam filter prevents most links and certain key words from being posted and the Forward reserves the right to remove comments for any reason.

Recommend this article

קורס אויף ייִדיש און ענגליש וועגן סוצקעווערס פּראָזע

Thank you!

This article has been sent!

Close