Skip To Content
JEWISH. INDEPENDENT. NONPROFIT.

Support the Forward

Funded by readers like you DonateSubscribe
Yiddish

אַבֿרהם סוצקעווערס ווערק האָבן שוין דערגרייכט „קאַרנעגי־האָל“Abraham Sutzkever’s writings have made it to Carnegie Hall

די אונטערנעמונג איז אַ טייל פֿון אַ פֿעסטיוואַל געווידמעט ליטעראַטור און מוזיק געשאַפֿן דורך מענטשן אונטער פּײַנלעכע באַדינגונגען.

אין אַפּריל וועט דער וועלט־באַרימטער קאָנצערטזאַל „קאַרנעגי־האָל“ דורכפֿירן אַ גרויסן פֿעסטיוואַל, „קולות פֿון האָפֿענונג“, געווידמעט מוזיק, ליטעראַטור און קונסט, וואָס מע האָט געשאַפֿן אונטער שרעקלעכע באַדינגונגען. די אָרגאַניזאַטאָרן גיבן איבער, אַז זיי ווילן אַרויסהייבן יענע ווערק, וואָס דריקן אויס די „מענטשלעכע אויסהאַלט־כּוחות (resilence בלע׳׳ז), האָפֿענונג, און מוט אין אָנבליק פֿון טראַגעדיעס וואָס זענען ניט צום באַשרײַבן“. ניט קיין חידוש, וואָס צווישן די קאָנצערטן און פֿילמווײַזונגען אָרגאַניזירט מען פּראָגראַמען לכּבֿוד די ווערק פֿון דער חורבן־תּקופֿה.

דאָנערשטיק, דעם 22סטן אַפּריל, 1:00 נאָך מיטאָג ניו־יאָרקער צײַט, וועט פֿאָרקומען אַ פּאַנעל־דיסקוסיע געווידמעט שלום בערגערס נײַעם באַנד איבערזעצונגען פֿון אַבֿרהם סוצקעווערס פּראָזע־ווערק. עס וועלן אָנטייל נעמען שלום בערגער, מרים טרין, זשאָסטין קאַמי און קאַראָלינאַ שימאַניאַק.

די פּראָגראַם, וואָס „קאַרנעגי־האָל“ אָרגאַניזירט בשותּפֿות מיטן ייִוואָ און דעם ייִדישן ביכער־צענטער, איז בחינם אָבער מע מוז זיך פֿאַרשרײַבן פֿון פֿריִער.

שלום בערגער איז אַ מעדיצינישער דאָקטער און עפּידעמיאָלאָג פֿון פֿאַך, וואָס שרײַבט אין דער פֿרײַער צײַט אַרטיקלען און פּאָעזיע אויף ייִדיש און זעצט איבער ליטעראַרישע טעקסטן, אַרײַנגערעכנט קינדערביכלעך ווי ד׳׳ר סוסעס „די קאַץ דער פּאַיאַץ“.

מרים טרין איז אַ פּראָפֿעסאָרין פֿון ייִדיש בײַם העברעיִשן אוניווערסיטעט און פֿירט אָן מיטן צענטער „יאָ — ייִדיש־אָרט“. זי איז אַן עקספּערטקע פֿון דער ייִדישער ליטעראַטור, בפֿרט די ווערק וואָס מע האָט געשאַפֿן בשעתן חורבן. זי האָט געלערנט קלאַסן וועגן סוצקעווערס פּאָזעיע, ווי אויך וועגן דער ליטעראַרישער גרופּע „יונג ווילנע“, צו וועלכער ער האָט געהערט.

דזשאָסטין קאַמי, וואָס וועט פֿירן דעם פֿאָרזיץ, איז דער הויפּט פֿון דער יודאַיִסטיק־אָפּטיילונג בײַם „סמיט־קאָלעדזש“, ווי אויך אַ פֿאָרש־סטיפּענדיאַנט בײַם „ייִדיש־אינסטיטוט אויפֿן נאָמען פֿון דער משפּחה־גאָלדרײַך“ בײַם תּל־אָבֿיבֿער אוניווערסיטעט. ער איז אַן עקספּערט פֿון דער ליטעראַרישער גרופּע „יונג־ווילנע“ און האָט געשריבן אַ בוך וועגן דער טעמע, וואָס וועט אין גיכן אַרויסגעלאָזט ווערן. הײַיאָר וועט מען אויך פּובליקירן זײַן איבערזעצונג פֿון סוצקעווערס ביכל זכרונות, „פֿון ווילנער געטאָ“.

קאַראָלינאַ שימאַניאַק איז אַ פּראָפֿעסאָרין אין דער יודאַיִסטיק־אָפּטיילונג בײַם ווראָצלעוועראוניווערסיטעט און אַ פֿאָרש־סטיפּענדיאַנטקע בײַם „ייִדישן היסטאָרישן אינסטיטוט“ אין וואַרשע. זי איז אַן עקספּערטקע פֿון די ווערק פֿון רחל אויערבאַך און איז שוין געווען אַ לערער פֿון ייִדיש אין אַ צאָל פּראָגראַמען אין פּוילן, ליטע, אוקראַיִנע, אויסטראַליע און פֿראַנקרײַך.

Dive In

    Engage

    Republish This Story

    Please read before republishing

    We’re happy to make this story available to republish for free, unless it originated with JTA, Haaretz or another publication (as indicated on the article) and as long as you follow our guidelines. You must credit the Forward, retain our pixel and preserve our canonical link in Google search.  See our full guidelines for more information, and this guide for detail about canonical URLs.

    To republish, copy the HTML by clicking on the yellow button to the right; it includes our tracking pixel, all paragraph styles and hyperlinks, the author byline and credit to the Forward. It does not include images; to avoid copyright violations, you must add them manually, following our guidelines. Please email us at [email protected]om, subject line “republish,” with any questions or to let us know what stories you’re picking up.

    We don't support Internet Explorer

    Please use Chrome, Safari, Firefox, or Edge to view this site.