ווידעאָ: „טשיריבים־טשיריבאָם“ געזונגען אויפֿן אוקראַיִנישן נוסח פֿון „דאָס קול“WATCH: “Chiribim Chiribom’’ sung on Ukrainian version of “The Voice”
די שוועסטער אַליבי אימפּאָנירן די ריכטער אויפֿן זינגקאָנקורס מיט אַ ליד נוסח שוועסטער בערי.
Image by The Alibi Sisters
פֿאַראַכטאָגן האָט אַ לייענערין מיר געשריבן, אַז אין אוקראַיִנע געפֿינען זיך צוויי זינגער, אַמאָליקע גרויסע פּאָפּ־שטערן, וואָס זענען לעצטנס געוואָרן „גילגולים“ פֿון די שוועסטער בערי.
דער דועט, „די שוועסטער אַליבי“ — די זינגער אַנאַ און אַנגעלינע זאַוואַלסקיע — זינגען טאַקע די לידער פֿון די שוועסטער בערי אינעם זעלביקן סווינג־סטיל מיט פּרעכטיקע האַרמאָניעס. אין פֿעברואַר זענען זיי אויפֿגעטראָטן אויפֿן אַוקראַיִנישן נוסח פֿונעם פּאָפּולערן זינגקאָנקורס, „דאָס קול“, וווּ זיי האָבן שטאַרק אימפּאָנירט די ריכטער. זייער אויפֿטריט האָט מען געזען אויף יוטוב מער ווי 950,000 מאָל. כּדי צו זען מער פֿון דער פּראָגראַם, אַרײַנגערעכנט אינטערוויוען מיט זיי און אויסצוגן פֿון מוזיק־ווידעאָס פֿון פֿריִערדיקע סטאַדיעס אין זייערע קאַריערעס, גיט אַ קוועטש דאָ.
די סצענע האָט מיך שטאַרק דערמאָנט אינעם אומדערוואַרטן מאָמענט, ווען די אַמעריקאַנער זינגערין אַמאַליע רובין איז אויפֿגעטראָטן אויף דער מאָנגאָלישער טעלעוויזיע מיטן ליד, „דער רבי אלימלך“.
די שוועסטער אַליבי גיבן איבער אין די באַשרײַבונגען צו די ווידעאָס אויף זייער יוטוב־קאַנאַל, אַז זיי האָבן ליב ייִדישע לידער, ווײַל זייער באָבע פֿלעג פֿאַר זיי זינגען דאָס ליד, „וווּ איז דאָס געסעלע“, אויף מאַמע־לשון און בײַ זיי אין דער היים האָט מען אָפֿט געשפּילט פּלאַטעס פֿון די שוועסטער בערי. אין דעם אינטערוויו־בײַלאַגע צו דער פּראָגראַם, „דאָס קול“, רעדן זיי וועגן זייער באַציִונג צו ייִדיש און קלעזמער־מוזיק.
A message from our CEO & publisher Rachel Fishman Feddersen
I hope you appreciated this article. Before you move on, I wanted to ask you to support the Forward’s award-winning journalism during our High Holiday Monthly Donor Drive.
If you’ve turned to the Forward in the past 12 months to better understand the world around you, we hope you will support us with a gift now. Your support has a direct impact, giving us the resources we need to report from Israel and around the U.S., across college campuses, and wherever there is news of importance to American Jews.
Make a monthly or one-time gift and support Jewish journalism throughout 5785. The first six months of your monthly gift will be matched for twice the investment in independent Jewish journalism.
— Rukhl Schaechter, Yiddish Editor
