Riverside Park by the Forward

אָנלײַן וואַרשעווער געטאָ־הזכּרה מיט דניאל קאַהן און מעלבורנער כאָר

Online Warsaw ghetto memorial with Daniel Kahn and Melbourne choir

Image by Forverts

הײַיאָר ווערט 78 יאָר זינט דעם אויפֿשטאַנד אין וואַרשעווער געטאָ.

אַזוי ווי תּמיד, אָרגאַניזירט מען דעם 19טן אַפּריל אַ הזכּרה לזכר די אויפֿשטענדלער פֿונעם וואַרשעווער געטאָ. צוליב דער מגפֿה וועט מען, ווי פֿאַראַיאָרן, זיך ניט פֿאַרזאַמלען בײַם חורבן־דענקמאָל אין „ריווערסײַד־פּאַרק“ באַקאַנט ווי „דער שטיין“, נאָר דורכפֿירן אַ דיגיטאַלישע הזכּרה־אַקאַדעמיע.

די הויפּטרערדנער פֿון דער פּראָגראַם, וואָס מע וועט טראַנסמיטירן 1:00 נאָך מיטאָג ניו־יאָרקער צײַט אויפֿן יוטוב־קאַנאַל פֿונעם „ייִדישן קולטור־קאָנגרעס“, וועלן זײַן דער היסטאָריקער שמואל קאַסאָוו, אַן עקספּערט פֿון דער געשיכטע פֿונעם וואַרשעווער געטאָ, וואָס האָט מחבר געווען אַ בוך וועגן דעם געהיימען „עונג־שבת“־אַרכיוו, די מעלבורנער ייִדישע שרײַבערין און בונדישע כּלל־טוערין הינדע בורשטיין, און לילי קשענסקי באַקסטער, די געוועזענע דירעקטאָרין פֿון חורבן־דערציִונג בײַם אַטלאַנטער ייִדישן מוזיי. עס וועט אויך רעדן רבֿקה אויגענפֿעלד, וועמענס מאַמע, ליבע מאַהאַרשאַק אויגענפֿעלד, און פֿאָטער, דוד אויגענפֿעלד, זענען געווען פּאַרטיזאַנער אין ווילנע.

מיט מוזיק און געזאַנג וועלן אויפֿטרעטן די זינגער דניאל קאַהן און שורה ליפּאָווסקי; די פֿידלערין דבֿורה שטראַוס, דער כאָר פֿונעם מעלבורנער „בונד“ — „מיר קומען אָן“, און קינדער פֿון די אַרבעטער־רינג־שולעס.

די טיילן פֿון דער הזכּרה וואָס זענען אויף ייִדיש וועלן באַגלייט ווערן מיט ענגלישע אונטערקעפּלעך.

די הײַיאָריקע הזכּרה ווערט אײַנגעאָרדנט דורך אַ צאָל ייִדישע אָרגאַניזאַציעס, אַרײַנגערעכנט דעם „ייִדישן קולטור־קאָנגרעס“, דעם ייִוואָ, דעם בונד, דעם „ייִדישן אַרבעטער־קאָמיטעט“, די ניו־יאָרקער און מאָנטרעאָלער צווײַגן פֿון אַרבעטער־רינג און דעם „קאַליפֿאָרניער אינסטיטוט פֿאַר ייִדישער שפּראַך און קולטור“.

אָנלײַן וואַרשעווער געטאָ־הזכּרה מיט דניאל קאַהן און מעלבורנער כאָר

Your Comments

The Forward welcomes reader comments in order to promote thoughtful discussion on issues of importance to the Jewish community. All readers can browse the comments, and all Forward subscribers can add to the conversation. In the interest of maintaining a civil forum, The Forward requires that all commenters be appropriately respectful toward our writers, other commenters and the subjects of the articles. Vigorous debate and reasoned critique are welcome; name-calling and personal invective are not and will be deleted. Egregious commenters or repeat offenders will be banned from commenting. While we generally do not seek to edit or actively moderate comments, our spam filter prevents most links and certain key words from being posted and the Forward reserves the right to remove comments for any reason.

Recommend this article

אָנלײַן וואַרשעווער געטאָ־הזכּרה מיט דניאל קאַהן און מעלבורנער כאָר

Thank you!

This article has been sent!

Close