ווידעאָ: סטיווען סקײַבעל זינגט אַ ליד לזכר די קינדער אומגעבראַכט אינעם חורבןWATCH: Steven Skybell sings in memory of the children murdered by the Nazis
דער אַקטיאָר, באַקאַנט פֿאַרן שפּילן טבֿיה אין „פֿידלער אויפֿן דאַך“, פֿירט אויס יוסף פּאַפּיערניקאָווס „אונטער די פּוילישע גריניקע ביימעלעך“.
Graphic by Angelie Zaslavsky
מאָנטיק, דעם 19טן אַפּריל, איז געוואָרן 78 יאָר זינט דעם אָנהייב פֿונעם אויפֿשטאַנד אין וואַרשעווער געטאָ.
כּדי אָפּצומערקן די דאַטע האָט די פֿאָלקסבינע פֿאַרשפּרייט אַ מוזיק־ווידעאָ, אין וועלכן דער אַקטיאָר סטיווען סקײַבעל זינגט יוסף פּאַפּיערניקאָווס ליד, „אונטער די פּוילישע גריניקע ביימעלעך“, וואָס דער דיכטער האָט געשריבן אין 1945 צו באַוויינען די 1.5 מיליאָן ייִדישע קינדער, וואָס זענען אומגעבראַכט געוואָרן אינעם חורבן.
אינעם ווידעאָ, געשאַפֿן דורכן אַקטיאָר און פֿילמאָגראַף בען ליבערט, זעט מען ווי סקײַבעל, וואָס איז באַקאַנט פֿאַרן שפּילן טבֿיה אינעם ייִדישן נוסח פֿון „פֿידלער אויפֿן דאַך“, גייט דורך אַ פֿעלד און עס באַווײַזן זיך פֿאַר אים פֿאַרמלחמדיקע פּאָרטרעטן פֿון ייִדישע קינדער. די פֿאָטאָגראַפֿיעס האָבן צוגעשטעלט פֿאַרן פֿילם דער ”מוזיי פֿון דער ייִדישער ירושה“, וווּ די פֿאָלקסבינע שטעלט פֿאָר אירע פּיעסעס. עס שפּילט אויף דער פּיאַנע זלמן מלאָטעק, דעם טעאַטערס קינסטלערישער דירעקטאָר.
יוסף פּאַפּיערניקאָווס ליד איז בעצם אַן אָפּרוף אויף חיים נחמן ביאַליקס „אונטער די גריניקע ביימעלעך“, וואָס שילדערט ווי ייִדישע קינדער שפּילן זיך און ווי זיי שיידן זיך אונטער פֿון אַנדערע קינדער. דאָס ליד, וואָס איז געווען זייער פּאָפּולער אין מיזרח־אייראָפּע, האָט נאָכן חורבן באַקומען אַ נײַעם, טראַגישן בײַטעם.
אָט קען מען אויך הערן, ווי ביילע שעכטער־גאָטעסמאַן זינגט עס:
Did you know that only 2% of Forward readers donate to support our nonprofit newsroom? That 2% make it possible for millions to read the Forward without a paywall or subscription — removing any barriers to the full and fair Jewish story.
But while the Forward is free to read, it isn’t free to produce. Big stories — like deep dives into the antisemitism data, political scoops or reporting trips to college campuses — take months of research and fact-checking. All while we keep you informed of what you need to know each day.
— Rachel Fishman Feddersen, Forward Publisher & CEO
Support our mission to tell the Jewish story fully and fairly.
