Skip To Content
Get Our Newsletter
JEWISH. INDEPENDENT. NONPROFIT.

Support the Forward

Funded by readers like you DonateSubscribe
Yiddish

הערט זיך צו צו עטלעכע ייִדישע לידער לכּבֿוד שבֿועותListen to a couple of Yiddish songs about Shavuos

כאָטש דאָס באַקאַנטסטע ליד וועגן דעם יום־טובֿ, „ישׂמח משה“, איז אַ פֿריילעכס, זענען ניט אַלע אַזוי.

להיפּוך צו חנוכּה, פּסח, שׂימחת־תּורה און סוכּות, זענען ניטאָ קיין סך באַקאַנטע פֿאָלקסלידער וועגן שבֿועות. דעם אמת געזאָגט, האָב איך בלויז געוווּסט וועגן איין שבֿועות־ליד, ביילע שעכטער גאָטעסמאַנס „שבֿועות־ליד“. אַז איך האָב אָבער געפֿרעגט בײַ עטלעכע עקספּערטן און געשטעלט אַ פֿראַגע אויף פֿייסבוק, האָט מען מיר געלאָזט וויסן וועגן עטלעכע לידער וואָס באַשרײַבן, אָדער כאָטש דערמאָנען, דעם יום־טובֿ אָדער דעם מתּן־תּורה, דאָס געבן די ייִדן די תּורה אויפֿן באַרג סיני.

לאָרין סקלאַמבערג, דער קלאַנג־אַרכיוויסט בײַם „ייִוואָ“ האָט רעקאָמענדירט דאָס ליד „ישׂמח משה“ פֿון ס. גאָזינסקי, וואָס באַשרײַבט דעם מתּן־תּורה אויף אַ פֿריילעכן אופֿן. אָט קען מען הערן ווי דער חזן מרדכי הערשמאַן זינגט עס, באַגלייט פֿון אַן אָרקעסטער. די רעקאָרדירונג האָט מען געמאַכט אין ניו־יאָרק אין 1927.

איציק גאָטעסמאַן, אַ פּראָפֿעסאָר בײַם טעקסאַסער אוניווערסיטעט אין אָסטין און אַן עקספּערט וועגן דער ייִדישער מוזיק, האָט פֿאָרגעלייגט אַ ליד וואָס זײַן מאַמע, די פּאָעטעסע ביילע שעכטער־גאָטעסמאַן האָט אָנגעשריבן, „שבֿועות־ליד“. אונטן קען מען הערן ווי אַ קינדערכאָר זינגט עס אויף איר אַלבאָם, „פֿלי, מײַן פֿלישלאַנג“. כּדי צו זען די ווערטער און נאָטן, גיט אַ קוועטש דאָ.

להיפּוך צו די ערשטע צוויי, זענען ניט אַלע לידער וואָס דערמאָנען שבֿועות פֿריילעכע. די חזנטע, שׂרה מײַערסאָן, און דער שרײַבער און איבערזעצער, אַרעלע ווישוואַנאַט, האָבן ביידע דערמאָנט דאָס פֿאָלקסליד, „שאַ, שטיל נישט געזאָרגט“, וואָס גיט אַן עצה וואָס מע זאָל טאָן, טאָמער עס קומט שבֿועות, און ס׳איז ניטאָ קיין מילכיקס אָדער גרינס. יצחק (צוניע) רײַמער האָט געזונגען דאָס ליד בײַ דער משפּחה גאָטעסמאַן אין דער היים אין די 1980ער יאָרן און איציק גאָטעסמאַן האָט עס דעמאָלט רעקאָרדירט. כּדי צו הערן זײַן נוסח, גיט אַ קוועטש דאָ.

Dive In

    Engage

    • SHARE YOUR FEEDBACK

    • UPCOMING EVENT

    Republish This Story

    Please read before republishing

    We’re happy to make this story available to republish for free under an Attribution-Non Commercial-No Derivatives Creative Commons license as long as you follow our republishing guidelines, which require that you credit Foward and retain our pixel. See our full guidelines for more information.

    To republish, copy the HTML, which includes our tracking pixel, all paragraph styles and hyperlinks, the author byline, and credit to Foward. Have questions? Please email us at help@forward.com.

    We don't support Internet Explorer

    Please use Chrome, Safari, Firefox, or Edge to view this site.