נאָך ווידעאָס פֿון די שוועסטער אַליבײַ — קיִעווער זינגער מיט אַ גוטן ייִדישן אַרויסריידNew videos by the Alibi Sisters – Kiev singers who get the Yiddish just right
הערט זייער נוסח פֿון „יאָ, מײַן ליבע טאָכטער“, אַ שלאַגער פֿון די שוועסטער בערי.
Image by Alibi Sisters
אָנהייב אַפּריל האָב איך געשריבן וועגן די קיִעווער שוועסטער אַליבײַ, צוויי טאַלאַנטירטע שוועסטער וואָס זענען מיט 10־15 יאָר צוריק באַרימט געוואָרן פֿאַר זייערע פּאָפּ־ און R&B־לידער אויף רוסיש און אוקראַיִניש.
לעצטנס זענען די שוועסטער, אַנאַ און אַנזשעלינאַ זאַוואַלסקאַ, אַריבער אויף ייִדיש, זינגענדיק דעם רעפּערטואַר פֿון די שוועסטער בערי. זיי זענען אַפֿילו אויפֿגעטראָטן אויפֿן אוקראַיִנישן נוסח פֿון דער טעלעוויזיע־פּראָגראַם, „דאָס קול“, און האָבן דאָרטן אַזוי באַוווּנדערט די ריכטער, אַז אַלע פֿיר האָבן געשטימט פֿאַר זיי — אַ זעלטענע זאַך אויף דער פּראָגראַם.
לעצטנס האָט דער דועט אַרויסגעלאָזט עטלעכע מוזיק־ווידעאָס, אין וועלכע זיי ווערן באַגלייט פֿון אַ קאַפּעליע. זייער צוגאַנג צום ליד, „יאָ, מײַן ליבע טאָכטער“ איז זייער ענלעך צום אופֿן ווי עס זינגען עס די שוועסטער בערי, נאָר מע האָט אַרײַנגעוועבט געוויסע טיילן מיט קלעזמער־מוזיק, עפּעס וואָס מע הערט ניט אינעם נוסח פֿון 1959.
די שוועסטער אַליבײַ זינגען פּרעכטיק און האָבן זיך גוט אויסגעלערנט דעם ייִדישן אַרויסרייד. מיר געפֿעלט שטאַרק דער סינטעז פֿון דער קלעזמער־ און סווינג־מוזיק. אַזאַ מין „טריבוט־קאַפּעליע“ אָפּצוגעבן כּבֿוד די שוועסטער בערי איז זייער אַ פּאַסיקע רוטין פֿאַר זיי. איך האָף אָבער אַז זיי וועלן אַמאָל שטרעבן צו זינגען מאַטעריאַל מחוץ דעם רעפּערטואַר פֿון די שוועסטער בערי, ווײַל יענע לידער זענען אַזוי באַקאַנט און פּאָפּולער, אַז ס׳איז שווער צו מאַכן פֿון זיי עפּעס באמת נײַס. און ווי טאַלאַנטירטע אַרטיסטן וואָס קענען זינגען אין עטלעכע סטילן און קענען גוט אַרויסרעדן די ייִדישע ווערטער, וואָלטן זיי אויך געקענט שאַפֿן עפּעס מער מאָדערנס. מע הערט, זעלטן־ווען, למשל, אַן R&B־ליד אויף מאַמע־לשון.
A message from our CEO & publisher Rachel Fishman Feddersen
I hope you appreciated this article. Before you move on, I wanted to ask you to support the Forward’s award-winning journalism during our High Holiday Monthly Donor Drive.
If you’ve turned to the Forward in the past 12 months to better understand the world around you, we hope you will support us with a gift now. Your support has a direct impact, giving us the resources we need to report from Israel and around the U.S., across college campuses, and wherever there is news of importance to American Jews.
Make a monthly or one-time gift and support Jewish journalism throughout 5785. The first six months of your monthly gift will be matched for twice the investment in independent Jewish journalism.
— Rukhl Schaechter, Yiddish Editor
