רבֿקה רײַך, לאַנגיאָריקע ייִדיש־לערערין אין ישׂראל, איז אַוועקRivka Reich, longtime Yiddish instructor in Israel, has died
רײַך האָט געלערנט דורות תּלמידים — סײַ קינדער אין נאָך־מיטאָג־שולן, סײַ צוקונפֿטדיקע פּראָפֿעסאָרן אין בר־אילן אוניווערסיטעט.
Graphic by Angelie Zaslavsky
רבֿקה רײַך, אַ לאַנגיאָריקע ייִדיש־לערערין וואָס האָט געלערנט קלאַסן אין בר־אילן־אוניווערסיטעט און אינעם תּל־אָבֿיבֿער „שלום־עליכם הויז“, איז דעם 27סטן יולי אַוועק אין דער אייביקייט צו 91 יאָר.
רײַך איז געבוירן געוואָרן אין מעקסיקע אין 1930, וווּ זי האָט זיך געלערנט אין די אָרטיקע ייִדישע שולן און איז געווען אַקטיוו אין דער ציוניסטישער באַוועגונג, „השומר הצעיר“.
נאָכן באַזעצן זיך אין ישׂראל אין 1954 האָט זי געלערנט קינדער ייִדיש אין דער נאָך־מיטאָג־שול פֿאַרבונדן מיטן תּל־אָבֿיבֿער „אַרבעטער־רינג“ און שפּעטער אין ישׂראלדיקע מיטלשולן. זי האָט מחבר געווען אַ לערנבוך פֿאַר אָנהייבער, „לאָמיר לערנען ייִדיש“. אין 2019 האָט מען זי באַלוינט מיטן ערנפּריז פֿון דער ייִדישער אינסטאַנץ אין ישׂראל. כאָטש זי האָט מיט יאָרן צוריק זיך פּענסיאָנירט פֿונעם בר־אילן־אוניווערסיטעט, איז זי געבליבן אַקטיוו ווי אַ ייִדיש־לערערין. ביז צוויי וואָכן צוריק האָט זי ווײַטער געלערנט סטודענטן.
איר געוועזענע סטודענטקע, די ייִדיש־פּראָפֿעסאָרין ורד קופּל, האָט זיך דערמאָנט, אַז רײַך איז געווען איר ערשטע לערערין אין בר־אילן. וועגן איר האָט זי געשריבן: „ווען אַ מענטש שטאַרבט, לעשט זיך אויס אַ שטערן אין הימל אָבער ווען עס גייט אַוועק אַ טײַערע נשמה, שײַנט אין הימל אויף אַ ליכטיקער שטערן“.
רײַך האָט פֿאַראָבֿלט צוויי טעכטער און פֿינעף אייניקלעך. כּבֿוד איר אָנדענק.
Did you know that only 2% of Forward readers donate to support our nonprofit newsroom? That 2% make it possible for millions to read the Forward without a paywall or subscription — removing any barriers to the full and fair Jewish story.
But while the Forward is free to read, it isn’t free to produce. Big stories — like deep dives into the antisemitism data, political scoops or reporting trips to college campuses — take months of research and fact-checking. All while we keep you informed of what you need to know each day.
— Rachel Fishman Feddersen, Forward Publisher & CEO
Support our mission to tell the Jewish story fully and fairly.
