labzik by the Forward

מע קען ווידער זען דעם אייגנאַרטיקן פֿילם וועגן קלוגן הינטל, לאַבזיק

One more chance to see the unique film about the clever pup, Labzik

די פֿון אײַך וואָס האָבן אין יוני נישט באַוויזן צו זען דעם נײַעם קורצן פֿילם, „לאַבזיק‟, וועגן די אַווענטורעס פֿון אַ ייִדישן הינטל, האָבן איצט נאָך אַ געלעגנהייט.

ביזן 3טן סעפּטעמבער קען מען ווידער זען דעם ווידעאָ, פֿרײַ פֿון אָפּצאָל, דורכן געבן אַ קוועטש דאָ.

דער פֿילם, וואָס איז באַזירט אויפֿן באַליבטן קינדערביכל פֿון כאַווער פּאַווער, פּובליקירט אין 1935, באַשרײַבט די אַווענטורעס פֿון אַ קלוגן הינטל, לאַבזיק, און דער ייִדישער משפּחה וואָס האָט אים אַדאָפּטירט.

אַ געמיש פֿון שפּילעוודיקן הומאָר און פּאָליטישן קאָמענטאַר, באַרירט דער פֿילם די צרות פֿון אַרבעטלאָזיקייט און ראַסיזם אויף אַ קינסטלערישן אופֿן, ניצנדיק פּאַפּירענע ליאַלקעס און די אילוסטראַציעס פֿונעם בוך גופֿא. אַ צאָל שטערנס פֿון דער הײַנטיקער ייִדישער בינע און מוזיק האָבן געהאָלפֿן בײַם צוגרייטן דעם פֿילם. מע הערט, למשל, דעם קול פֿונעם ייִדישן אַקטיאָר שיין בייקער; אָריגינעלע מוזיק פֿון די קלעזמער־מוזיקער מײַקל ווינאָגראַד און דזשייק שולמאַן־מענט און געזאַנג פֿון ליסאַ פֿישמאַן, מיכל יאַשינסקי און לאָרין סקלאַמבערג. די ענגלישע איבערזעצונג האָט דורכגעפֿירט מרים יודל און דער רעזשיסאָר איז דזשייק קראַקאָווסקי.

מע קען ווידער זען דעם אייגנאַרטיקן פֿילם וועגן קלוגן הינטל, לאַבזיק

Recommend this article

מע קען ווידער זען דעם אייגנאַרטיקן פֿילם וועגן קלוגן הינטל, לאַבזיק

Thank you!

This article has been sent!

Close