לעקציע אויף ייִדיש: די פּאַנסיאָן־דערציילונגען פֿון דוד בערגעלסאָןYiddish lecture: Dovid Bergelson’s ‘boarding house’ stories
מאַרק קאַפּלאַן וועט רעדן וועגן דעם סימבאָליזם פֿון אַזאַ וווינאָרט ווי אַ צײַטווײַליקע אינטימקייט צווישן פֿרעמדע אין אַ געזעלשאַפֿט אָן וואָרצלען
Graphic by Angelie Zaslavsky
מאָנטיק, דעם 8טן נאָוועמבער וועט ד״ר מאַרק קאַפּלאַן האַלטן אַ רעפֿעראַט דורך זום אויף דער טעמע, „אין בערלינער קאָרידאָר: די פּאַנסיאָן־דערציילונגען פֿון דוד בערגעלסאָן‟.
די לעקציע, וואָס ווערט געשטיצט פֿונעם „רמב״ם־צענטער פֿאַר אַוואַנסירטע לימודים‟ בײַם האַמבורגער אוניווערסיטעט, וועט פֿאָרקומען 16:00 (4:00 נאָך מיטאָג) בערלינער צײַט; 11:00 אין דער פֿרי ניו־יאָרקער צײַט.
דער שרײַבער און דראַמאַטורג דוד בערגעלסאָן איז געבוירן געוואָרן אין אָכרימעווע, אוקראַינע אין 1884 בײַ פֿאַרמעגלעכע עלטערן. ער האָט באַקומען אַ טראַדיציאָנעלע דערציִונג אין חדר און זיך געלערנט וועלטלעכע שטודיעס בײַ אַ פּריוואַטן לערער. זײַנע טאַטע־מאַמע זענען פֿרי געשטאָרבן און אין 1903 האָט דער יונגער דוד זיך באַזעצט אין קיִעוו.
זײַן ערשטער ראָמאַן אויף ייִדיש, „אַרום וואָקזאַל‟, איז אַרויס אין וואַרשע אין 1909 און האָט אַרויסגערופֿן אַ סך אינטערעס בײַ די ייִדישע ליטעראַטן, בפֿרט צוליב זײַן מאָדערניסטישן סטיל: אַ ראָמאַן וווּ דער טראָפּ איז נישט אויף ממשותדיקע געשעענישן, נאָר גיכער אויף דער דערשלאָגנדיקער אַטמאָספֿער אין וועלכער די העלדן געפֿינען זיך. דער וואָקזאַל דינט דאָ ווי אַ סימן פֿון אָפּגעפֿרעמדקייט.
**Get the Forverts delivered to your inbox five days a week. Sign up here to get news, articles and videos in Yiddish (or about Yiddish – in English).
בערגעלסאָן איז אין גיכן געוואָרן אַ וויכטיקע פֿיגור אין דער קיִעווער ליטעראַרישער וועלט, וואָס איז מיט דער צײַט מקוים געוואָרן אין אַ צענטער פֿון דער מאָדערנער ייִדישער קולטור. אין 1913 איז אַרויס זײַן ראָמאַן, „נאָך אַלעמען‟, וואָס איז הײַנט אָפֿט באַטראַכט פֿאַר זײַן וויכטיקסטע ווערק.
נאָכן איבערציִען זיך קיין בערלין האָט ער אָנגעשריבן עטלעכע קירצערע ווערק, באַקאַנט ווי זײַנע פּענסיאַן־דערציילונגען ווײַל אין אַלע פֿון זיי פֿיגורירט אַ פּענסיאַן, אַן אָרט וווּ מענטשן וווינען בלויז אויף אַ קורצער צײַט. אין זײַן רעפֿעראַט וועט קאַפּלאַן רעדן וועגן דעם סימבאָליזם פֿונעם פּענסיאַן ווי אַ צײַטווײַליקע אינטימקייט צווישן פֿרעמדע אין אַ געזעלשאַפֿט אָן וואָרצלען.
כּדי זיך צו באַטייליקן אין דער זום־לעקציע און באַקומען דאָס לייענוואַרג דערפֿאַר, שיקט אַ בריוול צו [email protected].
It’s our birthday and we’re still celebrating!
We hope you appreciated this article. Before you go, we’d like to ask you to please support the Forward’s independent Jewish news.
This week we celebrate 129 years of the Forward. We’re proud of our origins as a Yiddish print publication serving Jewish immigrants. And we’re just as proud of what we’ve become today: A trusted source of Jewish news and opinion, available digitally to anyone in the world without paywalls or subscriptions.
We’ve helped five generations of American Jews make sense of the news and the world around them — and we aren’t slowing down any time soon.
As a nonprofit newsroom, reader donations make it possible for us to do this work. Support independent, agenda-free Jewish journalism and our board will match your gift in honor of our birthday!
Support our mission to tell the Jewish story fully and fairly.
