kalin by the Forward
Support for the Forverts comes in part from the
Marinus and Minna B. Koster Foundation

ווידעאָ: אַ שמועס מיטן תּל־אָבֿיבֿער ייִדישן שרײַבער, עמיל קאַלין

VIDEO: Chatting with Tel-Aviv Yiddish writer, Emil Kalin

ס׳איז לעצטנס אַרויפֿגעשטעלט געוואָרן אויף יוטוב אַן אינטערעסאַנטער שמועס געפֿירט מיטן ייִדישן שרײַבער עמיל קאַלין אין דעצעמבער 2021.

ד״ר מרים טרין, די שעף־רעדאַקטאָרשע פֿונעם זשורנאַל „אויפֿן שוועל‟ און אַליין אַ פֿאָרשערין פֿון דער ייִדישער ליטעראַטור, פֿירט דעם אינטערוויו וואָס איז פֿילמירט און געשטיצט געוואָרן דורך דער „ייִדיש־ליגע‟.

קאַלין איז געבוירן געוואָרן אין בוקאַרעשט, רומעניע, אין 1980. צו פֿיר יאָר האָט ער מיט דער משפּחה עולה געווען, און ער לעבט הײַנט אין תּל-אָבֿיבֿ.

ער האָט זיך געלערנט קאָמפּיוטערײַ אין דער העברעיִשער אוניווערסיטעט אין ירושלים און האָט דעמאָלט געמאַכט זײַנע ערשטע שרײַבערישע פּרוּוון, וואָס האָבן זיך געדרוקט אין די ליטעראַרישע זשורנאַלן „ירושלימער אַלמאַנאַך“ און „גילגולים“.

שפּעטער האָט ער געדרוקט אַ ריי אַרטיקלען און דערציילונגען אינעם „פֿאָרווערטס“.

אין יאָר 2017 איז אַרויס זײַן ערשט פּראָזעבוך, „שאָטנס אויפֿן טראָטואַר“. ער דרוקט זיך רעגולער אויפֿן בלאָג „ייִדיש־בראַנזשע“ און האַלט אין אַרויסגעבן זײַן צװייט בוך. ‫

קאַלינס דערציילונג „די רעוואָלוציע“, וועגן די איבערקערענישן אין רומעניע, האָט זיך פֿאַראַיאָרן געדרוקט אינעם „אויפֿן שוועל“. לייענט די דערציילונג דאָ.

ווידעאָ: אַ שמועס מיטן תּל־אָבֿיבֿער ייִדישן שרײַבער, עמיל קאַלין

Recommend this article

ווידעאָ: אַ שמועס מיטן תּל־אָבֿיבֿער ייִדישן שרײַבער, עמיל קאַלין

Thank you!

This article has been sent!

Close