„ייִדסטאָק־מוזיק־פֿעסטיוואַל“ אין מאַסאַטשוסעטס הייבט זיך אָן דעם 7טן יוליLive Massachussetts Yidstock Festival starting July 7
אַחוץ קאָנצערטן, לעקציעס און וואַרשטאַטן וועט מען ווײַזן דעם פֿילם, „ביילע: די קינסטלערין און איר ירושה‟ וועגן דער פּאָעטעסע ביילע שעכטער־גאָטעסמאַן.
Photo by the Yiddish Book Center
פֿון מיטוואָך, דעם 7טן יולי, ביז זונטיק, דעם 10טן יולי, וועט אין אַמהערסט, מאַסאַטשוסעטס, פֿאָרקומען דער יערלעכער מוזיק־פֿעסטיוואַל פֿונעם ייִדישן ביכער צענטער, באַקאַנט ווי „ייִדסטאָק: דער פֿעסטיוואַל פֿון נײַער ייִדישער מוזיק.“
אַחוץ קאָנצערטן וועט מען קענען הערן לעקציעס, זען פֿילמען אָדער זיך באַטייליקן אין געזאַנג־וואַרשטאַטן. געסט קענען באַשטעלן איין פּאַס פֿאַר אַלע קאָנצערטן, אָדער באַזונדערע בילעטן פֿאַר די קאָנצערטן און אַנדערע אונטערנעמונגען.
דאָנערשטיק, 12:00 מיטאָגצײַט, וועט מען ווײַזן דעם דאָקומענטאַר־פֿילם, „ביילע: די קינסטלערין און איר ירושה‟ וועגן דער פּאָעטעסע, מאָלערין און אַקטיוויסטקע ביילע שעכטער־גאָטעסמאַן, און איר לעבן־לאַנגער טעטיקייט בײַם אויפֿהאַלטן די ייִדישע שפּראַך און קולטור צווישן מוזיקער, אַקאַדעמיקער און אוהבי־ייִדיש איבער דער וועלט.
צווישן די קאַפּעליעס וואָס וועלן אויפֿטרעטן זענען דער חזן יעקבֿ לעמער (דאָנערשטיק, 8:00 — 9:15 אין אָוונט); דער „עלענאָר־ריסאַ אַנסאַמבל“ (פֿרײַטיק, 5:00־6:00 אין אָוונט), און אַ נײַע גרופּע — „ביימעלע” מיטן באַס־זינגער אַנטאָני מרדכי־צבֿי ראָסל (זונטיק, 3:00 — 4:00 נאָך מיטאָג).
דער מוזיק־פֿאָרשער האַנקוס נעצקי וועט געבן צוויי לעקציעס (אויף ענגליש): „חסידישע ניגונגים: די ערשטע 250 יאָר“ (דאָנערשטיק, 4:00 — 5:00 נאָך מיטאָג) און „חזנות אין דער גאָלדענער תּקופֿה“ (פֿרײַטיק, 10:00 — 11:00 אין דער פֿרי).
צו לייענען די גאַנצע רשימה אונטערנעמונגען, אָדער כּדי צו באַשטעלן בילעטן, גיט אַ קוועטש דאָ.
Why I became the Forward’s editor-in-chief
You are surely a friend of the Forward if you’re reading this. And so it’s with excitement and awe — of all that the Forward is, was, and will be — that I introduce myself to you as the Forward’s newest editor-in-chief.
And what a time to step into the leadership of this storied Jewish institution! For 129 years, the Forward has shaped and told the American Jewish story. I’m stepping in at an intense time for Jews the world over. We urgently need the Forward’s courageous, unflinching journalism — not only as a source of reliable information, but to provide inspiration, healing and hope.
, editor-in-chiefSupport our mission to tell the Jewish story fully and fairly.
