Skip To Content
JEWISH. INDEPENDENT. NONPROFIT.
Yiddish

פֿונדאַציע, וואָס האָט געהאָלפֿן אַרויסגעבן ייִדישע ווערטערביכער און לערנביכער, שליסט זיךFoundation that helped launch Yiddish dictionaries and textbooks is closing

במשך פֿון 54 יאָר האָט די בנימין שעכטער־פֿונדאַציע געשטיצט פּראָיעקטן וואָס האָבן פּראָטעזשירט ייִדיש ווי אַ לעבעדיקע שפּראַך.

די פֿונדאַציע פֿאַר ייִדישער שפּראַכקולטור א״נ בנימין שעכטער, וואָס איז אויפֿגעשטעלט געוואָרן אין ניו־יאָרק אין 1968, וועט זיך הײַיאָר שליסן.

די פֿונדאַציע, וואָס איז פֿאַרלייגט געוואָרן דורכן ייִדישן שפּראַכפֿאָרשער מרדכי שעכטער און זײַן שוועסטער, דער פּאָעטעסע ביילע שעכטער־גאָטעסמאַן, אויפֿן נאָמען פֿון זייער טאַטן, האָט במשך פֿון די יאָרן אויסגעטיילט סובסידיעס הונדערטער איניציאַטיוון וואָס מוטיקן דעם באַניץ און די פֿאַרשפּרייטונג פֿון דער ייִדישער שפּראַך.

אַ גרויסער טייל פֿון די פּראָיעקטן וואָס די פֿונדאַציע האָט געשטיצט זענען ווערטערביכער, טערמינאָלאָגיעס און לערנביכער, וואָס ווערן עד־היום באַניצט דורך סטודענטן און ייִדיש־רעדער איבער דער וועלט. צווישן זיי:

אַחוץ דעם האָט די פֿונדאַציע אויך געשטיצט אַ צאָל אַנדערע פּראָיעקטן וואָס האָבן פּראָטעזשירט דעם פּרינציפּ פֿון ייִדיש ווי אַ לעבעדיקע שפּראַך, אַרײַנגערעכנט די ליטעראַרישע אַנטאָלאָגיע „װידערװוּקס – אַ נײַער דור ייִדישע שרײַבערס“; אַ סטודענטן־נוסח פֿון שלום עליכמס „מאָטל פּייסי דעם חזנס“ באַגלייט מיט געניטונגען; דעם פֿעמיניסטישן פּאָדקאַסט „ווײַבערטײַטש“; די ייִדיש־וואָך פֿון יוגנטרוף, די אייראָפּעיִשע ייִדיש־וואָך „ייִדיש־מאַראַטאָן“, ווי אויך די ייִדיש־סוף־וואָכן אין אויסטראַליע און ענגלאַנד. 

„די רשימה פּראָיעקטן וואָס די פֿונדאַציע האָט געהאָלפֿן אַרויסגעבן מאַכט אַ גרויסן רושם, אָבער נאָך וויכטיקער איז געווען איר נאָוואַטאָרישקייט,“ האָט געזאָגט פּראָפֿ׳ טבֿיה בירד, אַ פּראָפֿעסאָר עמעריטוס פֿון קווינס־קאָלעדזש, ניו־יאָרק, וואָס האָט יאָרן לאַנג געדינט אויף דער עקזעקוטיווע פֿון דער בנימין שעכטער פֿונדאַציע.

„אָנהייבנדיק פֿון די ערשטע פּראָיעקטן וואָס די פֿונדאַציע האָט סובסידירט האָט די פֿונדאַציע געקראָגן אַ שם פֿאַרן געפֿינען פּראָיעקטן וואָס פֿאַרברייטערן דעם וואָקאַבולאַר און דערקלערן די גראַמאַטישע כּללים. דורכן שטיצן די פּובליקאַציע פֿון לערנביכער האָט די פֿונדאַציע געהאָלפֿן ממשותדיק אַנטוויקלען דאָס געביט פֿון שטודירן ייִדיש און האָט דערבײַ פֿאַרדינט אַ בכּבֿודיק אָרט אין דער קראָניקע פֿון דער ייִדישער פֿאָרשונג און פּעדאַגאָגיק.“

Dive In

    Republish This Story

    Please read before republishing

    We’re happy to make this story available to republish for free, unless it originated with JTA, Haaretz or another publication (as indicated on the article) and as long as you follow our guidelines. You must credit the Forward, retain our pixel and preserve our canonical link in Google search.  See our full guidelines for more information, and this guide for detail about canonical URLs.

    To republish, copy the HTML by clicking on the yellow button to the right; it includes our tracking pixel, all paragraph styles and hyperlinks, the author byline and credit to the Forward. It does not include images; to avoid copyright violations, you must add them manually, following our guidelines. Please email us at [email protected], subject line “republish,” with any questions or to let us know what stories you’re picking up.

    We don't support Internet Explorer

    Please use Chrome, Safari, Firefox, or Edge to view this site.