שירה גאָרשמאַן, אַ ייִדישע שרײַבערין וואָס האָט געשילדערט פֿרויען ווי פֿאָלקסהעלדןShira Gorshman, a Yiddish writer who portrayed women as folk heroes
Photo by the Forward
אין דעם ווידעאָ, באַשרײַבט די געניטע דערציילערין שירה גאָרשמאַן אירע פֿאַראָרעמטע קינדעריאָרן אין אַ ליטווישן שטעטל. זי דערציילט וועגן איר ברוטאַלן שטיפֿטאַטן, איר פֿעיִקער אָבער פֿאַרביסענער באָבען און איר זיידע וואָס איז געווען דער ערשטער וואָס האָט איר געוויזן די שיינקייט פֿון דער נאַטור.
אַ פֿאַרברענטע ציוניסטקע האָט גאָרשמאַן זיך באַזעצט אין פּאַלעסטינע אין 1924 ווי אַ חלוץ אָבער זי האָט זיך אומגעקערט אינעם סאָוועטן־פֿאַרבאַנד אין 1928 כּדי אויפֿצובויען אַ צווייטן גן־עדן: אַ קאָלכאָז (אַן אַגריקולטורעלע קאָלאָניע) אין קרים וווּ זי האָט אויפֿגעפּאַסט אויף 500 חיות. ווי אַ נישט־חתונה־געהאַטע מאַמע פֿון דרײַ קינדער האָט זי זיך פֿאַרליבט און חתונה געהאַט מיטן קינסטלער מענדל גאָרשמאַן, וואָס האָט שפּעטער אילוסטרירט אירע ביכער.
דער דאָקומענטאַר איז איינער פֿון אַ סעריע ווידעאָס, „מאָנאָלאָגן פֿון ייִדישע שרײַבער“, אין וועלכע אָנגעזעענע ייִדישע מחברים, געבוירענע פֿאַרן חורבן, דערציילן אָפֿן־האַרציק וועגן זייער לעבן. די פֿילמען, וואָס זענען אויף ייִדיש מיט ענגלישע אונטערקעפּלעך, זענען רעזשיסירט געוואָרן פֿונעם פּרעמיערטן שרײַבער און לאַנגיאָריקן פֿאָרווערטס־רעדאַקטאָר באָריס סאַנדלער און פּראָדוצירט געוואָרן פֿונעם פֿאָרווערטס.
