טשיקאַוועסן: ישׂראלדיקער ספֿר־תּורה־פּראָיעקט ציט צו סעקולערע ייִדן אויךTidbits: Israeli Torah scroll writing project attracts secular Jews, too
זינט דער כאַמאַס־שחיטה אין ישׂראל האָבן צענדליקער טויזנטער ייִדן זיך באַטייליקט אין דעם אַלטן מינהג
Graphic by Angelie Zaslavsky
Tidbits is a weekly feature of easy news briefs in Yiddish that you can listen to or read, or both!
If you read the articles and don’t know a word, just click on it and the translation appears. You’ll also find the link to the article in English after each news brief. Listen to the report here:
זינט דער כאַמאַס־שחיטה אין ישׂראל דעם 7טן אָקטאָבער האָבן צענדליקער טויזנטער ייִדן — סײַ פֿרומע סײַ פֿרײַע — זיך באַטייליקט אין אַן אַלטן מינהג: שרײַבן אַ ספֿר־תּורה.
אַ ספֿר־תּורה שרײַבט מען מיט שוואַרצן טינט, ניצנדיק אַ גענדזענע פֿעדער.
דער איניציאַטאָר פֿון דעם פּראָיעקט איז הרבֿ דוד אַבֿרהם — אַ סופֿר פֿון דער שטאָט אלעד. יעדער ווער עס וויל קען אָנשרײַבן אַן אות. כּדי צו פֿאַרזיכערן אַז קיין גרײַזן פֿאַלן נישט אַרײַן, צייכנט הרבֿ אַבֿרהם די סכעמע פֿון די אותיות און די באַטייליקטע מאָלן אַרײַן דעם בלויז מיטן טינט.
איין פֿרוי וואָס האָט זיך באַטייליקט איז מיכל דוד, אַ סעקולערע 63־יאָריקע קינסטלערין פֿון ראשון לציון.
„ווען איך זע אַ געלעגנהייט צו פֿאַרבינדן מײַן ישׂראלדיקע אידענטיטעט מיט מײַנע ייִדישע וואָרצלען, ציט עס מיך גלײַך צו,“ האָט זי געזאָגט. זיצנדיק מיטן סופֿר האָט זי געבעטן אַרײַנפֿילן פֿינעף אותיות: דעם ערשטן אות פֿונעם נאָמען פֿון יעדן אייניקל.
די איבערלעבונג האָט זי שטאַרק באַגײַסטערט. „ס׳איז גלײַך ווי מײַן משפּחה איז איצט פֿאַראייביקט געוואָרן,“ האָט זי געזאָגט.
איין ספֿר־תּורה וואָס הרבֿ אַבֿרהם גרייט איצט צו וועט מען שענקען דער שיל אין קיבוץ בארי, וווּ אַ סך ישׂראלים זענען דערהרגעט געוואָרן פֿון די כאַמאַס־טעראָריסטן. דעם כּבֿוד פֿון אָנשרײַבן דעם סאַמע ערשטן אות אינעם ספֿר־תּורה — „ב“ פֿאַרן וואָרט „בראשית“ — האָט מען געגעבן רחל פּריקער, דער גרינדערין און אויפֿפּאַסערין פֿון דער בארי־שיל.
„דער פּראָיעקט סימבאָליזירט די טרויעריקע מערכה פֿון די ערבֿניקעס,“ האָט הרבֿ אַבֿרהם געזאָגט. „פּונקט ווי אַ ספֿר־תּורה איז נישט גאַנץ ביז יעדער אות איז דאָ, איז אונדזער פֿאָלק נישט גאַנץ, ביז מע קערט נישט צוריק אַלע אונדזערע ערבֿניקעס.“
צו לייענען מער וועגן דעם, גיט אַ קוועטש דאָ.
To read more about this, click here.
This is a moment of great uncertainty. Here’s what you can do about it.
We hope you appreciated this article. Before you go, we’d like to ask you to please support the Forward’s independent Jewish news this Passover.
This is a moment of great uncertainty for the news media, for the Jewish people, and for our sacred democracy. It is a time of confusion and declining trust in public institutions. An era in which we need humans to report facts, conduct investigations that hold power to account, tell stories that matter and share honest discourse on all that divides us.
With no paywall or subscriptions, the Forward is entirely supported by readers like you. Every dollar you give this Passover is invested in the future of the Forward — and telling the American Jewish story fully and fairly.
The Forward doesn’t rely on funding from institutions like governments or your local Jewish federation. There are thousands of readers like you who give us $18 or $36 or $100 each month or year.
Support our mission to tell the Jewish story fully and fairly.
