ווידעאָ: אַ שמועס וועגן דער כּלי־זמר־טראַדיציע אין ירושלים און מירוןVideo: Discussion about the klezmer tradition in Jerusalem and Meron
דער אינטערוויו מיטן מוזיקער אַבֿרהם בורשטיין באַטאָנט אויך די ראָלע פֿון כּלי־זמר־מוזיק בײַ די ברעסלעווער חסידים
„בורשטיינס קרעטשמע“ אין ירושלים Photo by Burstein’s Klezmer Basement
מע קען איצט זען אויף יוטוב אַן אינטערוויו מיטן ירושלימער כּלי־זמר־מוזיקער אַבֿרהם־לייב בורשטיין וועגן דער פֿאַרבינדונג צווישן דער כּלי־זמר און חסידישער טראַדיציע אין דער געשיכטע פֿון ארץ־ישׂראל. דער ווידעאָ איז אויף ייִדיש.
אינעם אינטערוויו, פּראָדוצירט דורך דער ייִדיש־ליגע און געפֿירט דורך אלי בענעדיקט, באַשרײַבט בורשטיין די השפּעה פֿון חסידישע ניגונים אויף דער כּלי־זמר־וועלט; די ראָלע פֿון כּלי־זמר־מוזיק אין די חסידישע קרײַזן און בײַם ברעסלעווער חסידות בפֿרט.
ער רעדט אויך וועגן דער גרינדונג פֿון אַ נײַעם דור כּלי־זמרים; וועגן זײַנע אַקטיוויטעטן מיט דער אָרגאַניזאַציע „יונג־ייִדיש“, און זײַן אַרבעט ווי אַן אַקטיאָר בײַם שפּילן אויף דער פּאָפּולערער טעלעוויזיע־סעריע „שטיסל“ און אין פֿאַרשידענע פֿילמען.
אַבֿרהם־לייב (וואָס שרײַבט זײַן נאָמען ווי אַבֿרום — אַ פּנים כּדי צו פֿאַרזיכערן אַז מע רעדט זײַן נאָמען אַרויס מיט דער אַשכּנזישער הבֿרה) בורשטיין איז געבוירן געוואָרן אין ירושלים בײַ אַ ברעסלעווער חסידישער משפּחה. ער איז אַן אַקטיאָר און אַ כּלי־זמר וואָס שפּילט אויף עטלעכע אינסטרומענטן. ער אַרבעט אויפֿצוהאַלטן די אויטענטישע ברעסלעווער נגינה־טראַדיציע, און צו פֿאַרטיפֿן און אויפֿצולעבן בײַ די חסידים די אַלטע כּלי־זמר־טראַדיציע.
דורך די יאָרן האָט ער אַרויסגעגעבן אַ צאָל מוזיקדיסקן, נאָטן־ביכלעך און פֿילמען. ער איז אויפֿגעטראָטן אין קאָנצערטן איבער דער וועלט, און אויפֿגעשטעלט די „אגודת הכליזמרים ירושלים“ און „הקרצ’מע של בורשטיין“ (בורשטיינס קרעטשמע/Burstein’s Klezmer Basement).
דער ווידעאָ איז טייל פֿון „ייִדיש הײַנט“ — אַ סעריע אינטערוויוען מיט אַרטיסטן, פֿאָרשערס און קולטור־טוערס פֿון איבער דער וועלט וואָס שאַפֿן הײַנטצײַטיקע קולטור אויף ייִדיש.
This is a moment of great uncertainty. Here’s what you can do about it.
We hope you appreciated this article. Before you go, we’d like to ask you to please support the Forward’s independent Jewish news this Passover. All donations are being matched by the Forward Board - up to $100,000.
This is a moment of great uncertainty for the news media, for the Jewish people, and for our sacred democracy. It is a time of confusion and declining trust in public institutions. An era in which we need humans to report facts, conduct investigations that hold power to account, tell stories that matter and share honest discourse on all that divides us.
With no paywall or subscriptions, the Forward is entirely supported by readers like you. Every dollar you give this Passover is invested in the future of the Forward — and telling the American Jewish story fully and fairly.
The Forward doesn’t rely on funding from institutions like governments or your local Jewish federation. There are thousands of readers like you who give us $18 or $36 or $100 each month or year.
Support our mission to tell the Jewish story fully and fairly.
