מיר זוכן פֿאָרווערטס־לייענער וואָס ניצן ניט די אינטערנעץWe’re Seeking Forverts Readers Who Don’t Use the Internet
מיר ווילן פֿאַרזיכערן אַז די לייענער וואָס ניצן נישט קיין קאָמפּיוטער אָדער סמאַרטפֿאָן זאָלן קענען געניסן פֿון אונדזער חודשלעכן געדרוקטן נוסח
Image by flickr
פֿאַר די לייענער וואָס האָבן גיכער ליב צו לייענען דעם פֿאָרווערטס אויף פּאַפּיר אָדער אים צו לייענען אום שבת, צעשיקט איצט דער פֿאָרווערטס יעדן חודש אַ בולעטין („ניוסלעטער‟) מיט געקליבענע אַרטיקלען, וואָס מע קען גרינג אָפּדרוקן און לייענען ווי אַן אמתע צײַטונג.
דערווײַל האָט מען שוין אַרויסגעשיקט דרײַ חודשלעכע אָפּדרוק־בולעטינען. דעם נײַסטן נומער קען מען לייענען און אָפּדרוקן דאָ.
דער אָפּדרוק־בולעטין, וואָס ווערט אַרויסגעשיקט דורך בליצפּאָסט, איז אויך געצילעוועט אויף יענע פֿאָרווערטס־לייענער, וואָס נוצן ניט די אינטערנעץ בכלל. מיר שטעלן איצט צונויף אַ רשימה לייענער וואָס מיר ווייסן אַז זיי ניצן נישט די אינטערנעץ, כּדי צו אַראַנזשירן אַז זייערס אַ קרובֿ, אָדער אַ פֿאָרווערטס־וואָלונטיר, זאָל יעדן חודש אָפּדרוקן דעם חודשלעכן בולעטין, צונויפֿדרעטלען די זײַטן און געבן אָדער שיקן זיי די פּאַפּירענע ווערסיע דורך דער געוויינטלעכער פּאָסט.
בײַ די ערשטע דרײַ נומערן פֿון דעם חודשלעכן בולעטין האָט מען אים צעשיקט אַלע לייענער, וואָס באַקומען דורך בליצפּאָסט די אַנדערע פֿאָרווערטס־בולעטינען ווי די טעגלעכע נײַעס אָדער דעם וואָכיקן „עונג־שבת‟.
אָנהייבנדיק אין סעפּטעמבער וועלן מיר אָבער בלויז שיקן דעם חודשלעכן בולעטין די מענטשן, וואָס האָבן זיך פֿאַרשריבן אויף דעם. כּדי זיך צו פֿאַרשרײַבן אויף דעם חודשלעכן אָפּדרוק־בולעטין אָדער די אַנדערע בולעטינען גיט דאָ אַ קוועטש.
ווילן מיר אײַך דערבײַ בעטן, אויב איר קענט פֿאָרווערטס־לייענער וואָס ניצן נישט די אינטערנעץ, גיט אונדז זייער טעלעפֿאָן און אַדרעס, וועלן מיר געפֿינען וואָלונטירן וואָס זאָלן די אַרטיקלען אָפּדרוקן פֿאַר זיי.
און אויב איר זענט גרייט אַליין צו זײַן אַזאַ וואָלונטיר — אָפּדרוקן און אָפּשיקן דעם חודשלעכן בולעטין אַ פֿאָרווערטס־לייענער — לאָזט אונדז אויך וויסן.
כּדי זיך צו פֿאַרבינדן מיט אונדז שיקט אַ בליצבריוו צו schaechter@forward.com.
A message from our CEO & publisher Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
