מזל־טובֿ! ריכטער פֿון ישׂראלדיקן דערציילונג־קאָנקורס מעלדן די געווינערMazel Tov! Israeli Judges Announce Winners of Yiddish Story Contest
די פּרעמיערטע דערציילונגען פֿון דער „נאַציאָנאַלער אינסטאַנץ פֿאַר ייִדישער קולטור‟ וועלן אין גיכן אָפּגעדרוקט ווערן אין פֿאָרווערטס.
Graphic by Angelie Zaslavsky
די „נאַציאָנאַלע אינסטאַנץ פֿאַר ייִדישער קולטור‟ אין ישׂראל האָט געלאָזט וויסן, ווער עס זענען די געווינער פֿונעם ערשטן מלוכישן קאָנקורס אין ישׂראל פֿאַר ייִדיש־שפּראַכיקע דערציילונגען. דעם הויפּטפּריז, וואָס קומט מיט אַ באַלוינונג פֿון 3,000 שקלים, וועט מען צוטיילן עטל ניבאָרסקי פֿאַר איר דערציילונג „בריוו צו אַ בלינדן זיידן‟. אויפֿן צווייטן אָרט וועט שירי שפּירא, די מחברטע פֿון „דרײַ אלמנות‟, באַקומען אַ באַלוינונג פֿון 1,500 שקלים. רפֿאל האַלף האָט געוווּנען אויפֿן דריטן אָרט פֿאַר זײַן דערציילונג „אַ בריוו דער פּאָסט‟. ער וועט באַקומען אַ באַלוינונג פֿון 1,000 שקלים.
די דערציילונגען וועלן אָפּגעדרוקט ווערן אינעם פֿאָרווערטס אין די קומענדיקע טעג. מע וועט צוטיילן די פּרעמיעס אויף אַ צערעמאָניע אין ירושלים דעם 19טן נאָוועמבער 2019.
כאָטש זי איז נאָך ניט קיין 20 יאָר אַלט, איז עטל ניבאָרסקי ווײַט ניט קיין פּנים־חדשות אין דער ייִדישער ליטעראַטור. צו אַכט יאָר האָט זי געמאַכט איר דעביוט אינעם „פֿאָרווערטס‟. צו צוועלף יאָר האָט זי געוווּנען יוגנטרופֿס שרײַבער־קאָנקורס פֿון יאָר 2012 און זי האָט אויך באַקומען אַ פּרעמיע פֿונעם חסידישן זשורנאַל „דער וועקער‟ פֿאַר אַ מיניאַטור אירע. אין די לעצטע 10 יאָר האָט זי אַרויסגעלאָזט צוויי נאָוועלעס אויף ייִדיש.
שירי שפּירא איז אַ ליטעראַרישע איבערזעצערין פֿון ענגליש, דײַטשיש און ייִדיש אויף העברעיִש. זי האָט שוין איבערגעזעצט ווערק פֿון דער פּאָעטעסע דבֿורה פֿאָגעל און דעם שרײַבער ישׂראל ראַבאָן. אַחוץ איר מאַגיסטער אין ליטעראַרישער איבערזעצערײַ האָט זי באַקומען אַ מאַגיסטער אין ייִדיש פֿון „העברעיִשן אוניווערסיטעט‟, פֿאַרטיידיקנדיק אַ טעזיס וועגן דעם קול פֿונעם נאַראַטאָר אין די ווערק פֿון באַשעוויסן.
רפֿאל האַלף איז אויפֿגעוואַקסן אין טינעק, ניו־דזשערזי און האָט פֿאַרענדיקט „קאָלומביע־אוניווערסיטעט‟ און דעם „ייִדישן טעאָלאָגישן סעמינאַר‟. אַ געוועזענער סטיפּענדיאַט בײַם „ייִדישן ביכער־צענטער‟, לערנט ער זיך איצט אין תּל־אָבֿיבֿער אוניווערסיטעט. זײַן דערציילונג, „אַ שׂריפֿה אין ברוקלין‟ איז אָפּגעדרוקט געוואָרן אינעם פּאַפּירענעם פֿאָרווערטס פֿון אַפּריל 2019.
This is a moment of great uncertainty. Here’s what you can do about it.
We hope you appreciated this article. Before you go, we’d like to ask you to please support the Forward’s independent Jewish news this Passover. All donations are being matched by the Forward Board - up to $100,000.
This is a moment of great uncertainty for the news media, for the Jewish people, and for our sacred democracy. It is a time of confusion and declining trust in public institutions. An era in which we need humans to report facts, conduct investigations that hold power to account, tell stories that matter and share honest discourse on all that divides us.
With no paywall or subscriptions, the Forward is entirely supported by readers like you. Every dollar you give this Passover is invested in the future of the Forward — and telling the American Jewish story fully and fairly.
The Forward doesn’t rely on funding from institutions like governments or your local Jewish federation. There are thousands of readers like you who give us $18 or $36 or $100 each month or year.
Support our mission to tell the Jewish story fully and fairly.
