ווידעאָ: ווי אַזוי ייִדיש־רעדער באַגריסן זיךWATCH: How Yiddish speakers greet each other
שטייענדיק אין גרענד סענטראַל סטיישאָן כאַפּט דער לינגוויסט לייזער בורקאָ אַ שמועס מיט עטלעכע חסידישע יונגע לײַט.
אין דעם ערשטן קאַפּיטל פֿון דער פֿאָרווערטס־ווידעאָ־סעריע „לאָמיר רעדן ייִדיש‟, ווײַזט דער ייִדישער לינגוויסט לייזער בורקאָ די צוקוקער ווי אַזוי ייִדן באַגריסן זיך אויף מאַמע־לשון.
שטייענדיק אין גרענד סענטראַל סטיישאָן אין מאַנהעטן, כאַפּט בורקאָ אַ שמועס מיט עטלעכע חסידישע יונגע לײַט, שאַפֿנדיק אַ היימישע אַטמאָספֿער אין דער ריזיקער וועלט־באַרימטער באַן־סטאַנציע.
הגם ס׳רובֿ פֿאָרווערטס־ווידעאָס ווערן באַגלייט מיט ענגלישע אונטערקעפּלעך, זענען די אונטערקעפּלעך דווקא אויף ייִדיש — אַ מעלה פֿאַר די צוקוקער וואָס ווילן פּרוּוון פֿאַרשטיין דעם דיאַלאָג אָן דער הילף פֿון דער איבערזעצונג.