אַלע וואָס קומען אין ישׂראל מוזן זיך שטעלן אונטער אַ קאַראַנטיןEvery new arrival in Israel must be quarantined
דער אָבליגאַטאָרישער 14־טאָגיקער קאַראַנטין וועט זײַן חל סײַ אויף אומקערנדיקע ישׂראלים, סײַ אויף אַלע אויסלענדער.
Image by Getty Images
ווי אַ טייל פֿונעם פּרוּוו צו באַשיצן אירע בירגער פֿונעם קאָראָנאַווירוס, האָט די ישׂראלדיקע רעגירונג געמאָלדן אַז אַלע אויסלענדער וואָס קומען אָן אין לאַנד, אָנהייבנדיק פֿונעם 12טן מאַרץ, וועלן זיך מוזן שטעלן אונטער אַ 14־טאָגיקן קאַראַנטין.
פֿאַר ישׂראלים וואָס קערן זיך אום איז דער קאַראַנטין שוין גילטיק.
דער באַשלוס, וואָס דער פּרעמיער בנימין נתניהו האָט אַנאָנסירט מאָנטיק אויף דער נאַכט, איז אַ רעזולטאַט פֿון אינטענסיווע פֿאַרהאַנדלונגען במשך פֿון די פֿאַרגאַנגענע עטלעכע טעג, אויף ווי ווײַט זאָל ישׂראל שטרעבן אײַנצוצאַמען דעם ווירוס.
ישׂראל האָט שוין פֿאַראַכטאָג אָנגענומען אַגרעסיווע שריט קעגן דער פֿאַרשפּרייטונג פֿון דער מגפֿה, אַרײַנגערעכנט דער פֿאָדערונג, אַז אַלע וואָס זענען געקומען פֿון מער ווי אַ טוץ אייראָפּעיִשע לענדער זאָלן זיך שטעלן אונטער אַ קאַראַנטין. מע האָט אָבער ביז אַהער ניט אָנגענומען אַזאַ שריט פֿאַר די וואָס קומען פֿון די פֿאַראייניקטע שטאַטן, ניט געקוקט אויף דעם, וואָס אין עטלעכע אַמעריקאַנער שטעט זענען שוין דאָ אויסבראָכן דערפֿון.
As a public service during this pandemic, the Forward is providing free, unlimited access to all coronavirus articles. If you’d like to support our independent Jewish journalism, click here to make a donation.
לויט פֿאַרשידענע באַריכטן אין דער ישׂראלדיקער מעדיע, האָט נתניהו ניט געוואָלט פֿאָלגן די עצה פֿון זײַנע געזונט־באַאַמטע צו שטעלן די רײַזנדיקע פֿון די פֿאַראייניקטע שטאַטן אונטער אַ קאַראַנטין, צוליב ישׂראלס נאָענטע באַציִונגען און עקאָנאָמישער צוזאַמענאַרבעט מיט אַמעריקע.
„נאָך אַ טאָג פֿון דיסקוסיעס וועגן דעם ענין, זענען מיר געקומען צו אַ באַשלוס,‟ האָט נתניהו דערקלערט אין אַ ווידעאָ, וואָס די רעגירונג האָט פֿאַרעפֿנטלעכט אויף יוטוב. „יעדער איינער וואָס קומט אָן אין ישׂראל וועט זיך מוזן שטעלן אונטער אַ קאַראַנטין אויף 14 טעג. ס׳איז אַ שווערער באַשלוס, אָבער אַ קריטישער פֿאַרן באַשיצן דאָס געזונט פֿונעם ברייטן עולם אין ישׂראל וואָס איז פֿאָרט אונדזער פּריאָריטעט. דער באַשלוס וועט בלײַבן גילטיק אויף צוויי וואָכן. גלײַכצײַטיק נעמען מיר אָן שריט צו באַשיצן די ישׂראלדיקע עקאָנאָמיע.‟
A message from our Publisher & CEO Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
