Image by www.crauswords.com

ליבהאָבער פֿון קעסטל־רעטענישן וואָס קענען אַ ביסל ייִדיש קענען איצט מאַכן ייִדיש־שפּראַכיקע רעטענישן אויף זייער קאָמפּיוטער־עקראַן און גלײַך קאָנטראָלירן צי זייערע ענטפֿערס זענען ריכטיק, אַ דאַנק אַ נײַער ייִדישער קעסטל־רעטעניש־פּלאַטפֿאָרמע אויף דער פֿאָרווערטס־וועבזײַט.

די דיגיטאַלישע קעסטל־רעטעניש־פּראָגראַם איז געשאַפֿן געוואָרן פֿונעם פּראָגראַמוואַרג־שאַפֿער דזשאָן סטיווענס, וואָס האָט צוגעפּאַסט דעם וועבזײַט־אַפּ פֿון זײַן פּאָפּולערער קעסטל־רעטעניש־פּראָגראַם, „קראָסוווּרדס־דאָט־קאָם‟, כּדי נאָכצוקומען דעם פֿאַרלאַנג פֿון די אָנהענגער פֿון ייִדישע קעסטל־רעטענישן. אין דעם פּראָיעקט האָט אים צוגעהאָלפֿן די שאַפֿערין פֿון די ייִדישע קעסטל־רעטענישן, מינע־ליפֿשע ווישוואַנאַט.

כאָטש דער פֿאָרווערטס האָט פֿאַראַיאָרן לאַנצירט אַ סעריע ייִדישע קעסטל־רעטענישן האָט מען זיי נישט געקענט מאַכן אָנלײַן, האָבן די באַניצער געדאַרפֿט דאָס רעטעניש אָפּדרוקן און אויסשטעלן מיט אַ פּען אָדער בלײַער. ס׳איז אויך נישט געווען קיין אופֿן ווי מע קען קאָנטראָלירן, צי אַן ענטפֿער וואָס זיי האָבן אָנגעשריבן איז דער ריכטיקער.

Yiddish Brief

A bissel of all things Yiddish: music, cooking, books and more.

Terms(Required)

I agree to the Forward's Terms of Service and Privacy Policy

Email(Required)

Image by Forverts

די נײַע קעסטל־רעטעניש־זײַט קען מען דערגרייכן דורך יעדן אײַ־פּאַד, שויס־קאָמפּיוטער אָדער טיש־קאָמפּיוטער. מע קען אָבער נישט אָנקומען אַהין דורך אַ מאָביל־טעלעפֿאָן.

די דאָזיקע זײַט באַזאָרגט דעם באַניצער מיט אַ גאַנצער ריי מעגלעכקייטן. זי קען אַנטפּלעקן דעם ריכטיקן אות אָדער וואָרט פֿון אַ געוויסן שליסל (clue, בלע״ז) אָדער ווײַזן וועלכע אותיות דער שפּילער האָט געניצט זענען נישט די ריכטיקע. זי קען אויך צושטעלן די ענטפֿערס צום גאַנצן רעטעניש אָדער אָפּמעקן אַלע ענטפֿערס, טאָמער וויל דער באַניצער אָנהייבן דאָס רעטעניש פֿון ס׳נײַ.

אויף דער דיגיטאַלישער קעסטל־רעטעניש־זײַט געפֿינען זיך אויך אַלע רעטענישן וואָס דער פֿאָרווערטס האָט ביז איצט אַרויסגעלאָזט, כּדי דער באַניצער זאָל קענען אָנהייבן לייזן אַ צווייט רעטעניש, ווי נאָר ער פֿאַרענדיקט דעם ערשטן.

דער „טאַבלעט־מאָדוס‟ נעמט אַרײַן אַ ייִדישע קלאַוויאַטור כּדי די שפּילער זאָלן קענען מאַכן דאָס רעטעניש אַפֿילו אויב זיי האָבן אַליין נישט אינסטאַלירט קיין ייִדישע קלאַוויאַטור.

לטובֿת די שפּילער וואָס ווילן גיכער אויסשטעלן דאָס קעסטל־רעטעניש אויפֿן אַלטן שטייגער — מיט אַ פּען און פּאַפּיר — קען מען אויף דער זײַט אויך קריגן א „פּי־די־עף‟ פֿון יעדן רעטעניש וואָס מע דאַרף פּשוט אָפּדרוקן.

A message from our CEO & publisher Rachel Fishman Feddersen

I hope you appreciated this article. Before you move on, I wanted to ask you to support the Forward’s award-winning journalism during our High Holiday Monthly Donor Drive.

This year, we have stood together in strength and sorrow. Our Forward team has worked around the clock to help you find clarity amid the chaos.

If you’ve turned to the Forward in the past 12 months to better understand the world around you, we hope you will support us with a gift now. Your support has a direct impact, giving us the resources we need to report from Israel and around the U.S., across college campuses, and wherever there is news of importance to American Jews.

Make a monthly or one-time gift and support Jewish journalism throughout 5785. The first six months of your monthly gift will be matched for twice the investment in independent Jewish journalism. 

—  Rukhl Schaechter, Yiddish Editor

Join our mission to tell the Jewish story fully and fairly.

$36 $500

$120 $180 Other amount