רעזשיסאָרין פֿון „נעטפֿליקס“־סעריע „נישט־אָרטאָדאָקסיש“ געווינט אַן „עמי־פּרעמיע“Director of Netflix series “Unorthodox” wins an Emmy
די „עמי“ פֿאַר מאַריע שריידער איז די ערשטע אויסצייכענוג אַזאַ פֿאַר אַ סעריע מיט אַ סך ייִדישן דיאַלאָג.
Israeli actress Shira Haas will star on ‘Unorthodox’ for Netflix Image by Getty Images
זונטיק אָוונט האָט מען דורכגעפֿירט די 71סטע צוטיילונג פֿון די „עמי“־אויסצייכענונגען, וואָס אָנערקענען די בעסטע אַמעריקאַנער טעלעוויזיע־פּראָגראַמען פֿונעם יאָר.
צווישן די געווינער איז געווען מאַריע שריידער, די רעזשיסאָרין פֿון דער ייִדיש־ און ענגליש־שפּראַכיקער „נעטפֿליקס“־מיני־סעריע „נישט־אָרטאָדאָקסיש“, וואָס איז באַזירט, צום טייל, אויפֿן לעבן פֿון דער שרײַבערין דבֿורה פֿעלדמאַן.
צווישן די אַנדערע נאָמינירטע רעזשיסאָרן זענען געווען די רעזשיסאָרן פֿון Watchmen (וועכטער), וואָס איז געווען די פּאָפּולערסטע נײַע מיני־סעריע פֿונעם יאָר, סײַ בײַ די קריטיקער, סײַ וואָס שייך דער צאָל צוקוקער. Watchmen האָט געוווּנען אין צוויי אַנדערע קאַטעגאָריעס אין וועלכע „נישט־אָרטאָדאָקסיש“ איז נאָמינירט געוואָרן: „בעסטע מיני־סעריע“ פֿונעם יאָר און די בעסטע אַקטריסע אין אַ מיני־סעריע (שירה האַס איז נאָמינירט געוואָרן פֿאַרן שפּילן די ראָלע פֿון אסתּי שאַפּיראָ).
Boardwalk Empire (די „אימפּעריע פֿון דער ים־פּראָמאָנאַדע“), וואָס איז נאָמינירט געוואָרן פֿאַר מער ווי 57 ”עמיס“ און האָט געוווּנען 20, איז אויך געווען, צום טייל, אויף מאַמע־לשון, איז „נישט־אָרטאָדאָקסיש“ די ערשטע טעלעוויזיע־פּראָגראַם מיט אַזוי פֿיל ייִדישן דיאַלאָג צו באַקומען אַזאַ חשובֿע פּרעמיע. (אַרום 40% פֿונעם דיאַלאָג אין דער סעריע איז אויף ייִדיש).
עטלעכע פֿון די העלדן זענען טאַקע געשפּילט געוואָרן דורך געוועזענע חסידים און אַנדערע וואָס רעדן ייִדיש פֿון דער היים. דזשעף ווילבוש, וואָס האָט געשפּילט אסתּי שאַפּיראָס הויפּט־אַנטאַגאָניסט משה לעווקאָוויטש, איז אויפֿגעוואַקסן אין מאה־שערים און וווינט הײַנט אין דײַטשלאַנד; אלי ראָזען (דער רבי, ר׳ יאָסעלע) איז אויפֿגעוואַקסן אין אַ ברוקלינער חסידישער היים; דוד מאַנדעלבאַום (אסתּיס זיידע), איז דער דירעקטאָר פֿונעם „נײַעם ייִדישן רעפּערטואַר־טעאַטער“, און מלכּה ווײַס, מלכּה גאָלדמאַן און משה לאָבעל, וואָס האָבן געשפּילט קלענערע ראָלעס, זענען אויך אויפֿגעוואַקסן אין חסידישע היימען.
שירה האַס, דער שטערן פֿון דער פּראָגראַם, וואָס וועט באַלד ווידער שפּילן די ראָלע פֿון רוחמי ווײַס אינעם דריטן סעזאָן פֿון דער פּאָפּולערער ישׂראלדיקער טעלעוויזיע־פּראָגראַם „שטיסל“, האָט זיך געלערנט ייִדיש אויף אַזאַ אינטענסיוון אופֿן, אַז זי האָט אָנגעהויבן רעדן אויף מאַמע־לשון מיט אַנדערע אַקטיאָרן און לייענט הײַנט ייִדישע פּאָעזיע אין דער פֿרײַער צײַט.
This is a moment of great uncertainty. Here’s what you can do about it.
We hope you appreciated this article. Before you go, we’d like to ask you to please support the Forward’s independent Jewish news. All donations are still being matched by the Forward Board - up to $100,000 until April 24.
This is a moment of great uncertainty for the news media, for the Jewish people, and for our sacred democracy. It is a time of confusion and declining trust in public institutions. An era in which we need humans to report facts, conduct investigations that hold power to account, tell stories that matter and share honest discourse on all that divides us.
With no paywall or subscriptions, the Forward is entirely supported by readers like you. Every dollar you give is invested in the future of the Forward — and telling the American Jewish story fully and fairly.
The Forward doesn’t rely on funding from institutions like governments or your local Jewish federation. There are thousands of readers like you who give us $18 or $36 or $100 each month or year.
Support our mission to tell the Jewish story fully and fairly.
