שטערן פֿון פֿאָלקסבינעס „פֿידלער אויפֿן דאַך“ וועלן זינגען „גאָט, בענטש אַמעריקע“ אויף ייִדישFolksbiene “Fiddler” cast to perform “God Bless America” in Yiddish
דער ווידעאָ, לכּבֿוד דער אײַנשווערונג פֿון פּרעזידענט דזשאָו בײַדען, ווערט באַטראַכט ווי אַ געבעט פֿאַרן וווילזײַן פֿון דער אַמעריקאַנער דעמאָקראַטיע.
Image by Getty Images
כּדי צו פּראַווען די אײַנשווערונג פֿונעם נײַ־דערוויילטן פּרעזידענט דזשאָו בײַדען דעם 20סטן יאַנואַר, וועט די פֿאָלקסבינע אַרויסלאָזן אַ ווידעאָ, אין וועלכן די אַקטיאָרן פֿונעם ייִדיש־שפּראַכיקן „פֿידלער אויפֿן דאַך“ וועלן זינגען „גאָט בענטש אַמעריקע“ אויף ייִדיש.
די פּראָגראַם וועט מען קענען זען אויף דער פֿאָלקסבינעס וועבזײַט דינסטיק, דעם 19טן יאַנואַר, 10:00 אין דער פֿרי ניו־יאָרקער צײַט.
אינעם ווידעאָ, געשאַפֿן דורכן אַקטיאָר בען ליבערט (דער וואָס האָט געשפּילט דעם שנײַדער, מאָטל), טרעטן אויף מער ווי 20 אַקטיאָרן, אַרײַנגערעכנט סטיוו סקײַבעל, דזשאָען באָרץ, ליסאַ פֿישמאַן, משה לאָבעל, אָדם שאַפּיראָ, מיכל יאַשינסקי און אַחרון אַחרון חבֿיבֿ — דזשאָעל גריי, דער לעגענדאַרער אַקטיאָר וואָס האָט רעזשיסירט דעם ייִדישן „פֿידלער אויפֿן דאַך“.
די נײַע מוזיקאַלישע אַראַנזשירונג האָט געשאַפֿן זיסל סלעפּאָוויטש, וואָס האָט געשפּילט קלאַרנעט אין דער פֿאָלקסבינעס פֿאָרשטעלונג. לאָרען דזשין טאָמאַס, די פֿידלערין פֿון דער אינסצענירונג, וועט שפּילן די נײַע אַראַנזשירונג.
דער פּלאַן אַרויסצולאָזן אַזאַ ווידעאָ לכּבֿוד דער אײַנשווערונג פֿונעם קומענדיקן פּרעזידענט איז געווען ליסאַ פֿישמאַנס אַן אײַנפֿאַל. זי האָט דערקלערט, אַז אירווינג בערלין (פֿון דער היים: ישׂראל־איזידאָר ביילין), אַ ייִדיש־רעדנדיקער אימיגראַנט וואָס האָט געשאַפֿן אַ סך פֿון די פּאָפּולערסטע אַמעריקאַנער לידער פֿון די 1930ער און 1940ער יאָרן, האָט אַרויסגעלאָזט „גאָט בענטש אַמעריקע“ בשעתן אויפֿקום פֿון פֿאַשיזם אין אייראָפּע.
„די טעג, ווען מיר שליסן אַ פֿינצטערע תּקופֿה פֿון קאָנפֿליקט און סיכסוכים און באַגריסן די נײַע פּרעזידענטישע אַדמיניסטראַציע, איז דאָס זינגען אַזאַ באַליבטן אַמעריקאַנער הימען אויף ייִדיש, אויפֿן מחברס מאַמע־לשון, אַן אוניקאַלער אופֿן צו אָנערקענען אונדזערע נײַע פֿירער, צו פֿײַערן די אידעאַלן און ווערטן פֿון אונדזער לאַנד און צו ‘זאָגן אַ תּפֿילה’ פֿאַרן וווילזײַן פֿון אונדזער שיינער, לאַנג־דויערנדיקער, אָבער פֿאָרט דעליקאַטער דעמאָקראַטיע“.
דעם ייִדישן נוסח פֿון „גאָט בענטש אַמעריקע“ האָט געשאַפֿן דער זינגער און מוזיקאָלאָג הענעך סאַפּאָזשניק פֿאַר מאַנדי פּאַטינקינס אַלבאָם, „מאַמע־לשון“. דער חסידישער פּאָפּ־שטערן ליפּא שמעלצער האָט אים שפּעטער אַרײַנגענומען אין זײַן אייגענעם רעפּערטואַר.
This is a moment of great uncertainty. Here’s what you can do about it.
We hope you appreciated this article. Before you go, we’d like to ask you to please support the Forward’s independent Jewish news this Passover. All donations are being matched by the Forward Board - up to $100,000.
This is a moment of great uncertainty for the news media, for the Jewish people, and for our sacred democracy. It is a time of confusion and declining trust in public institutions. An era in which we need humans to report facts, conduct investigations that hold power to account, tell stories that matter and share honest discourse on all that divides us.
With no paywall or subscriptions, the Forward is entirely supported by readers like you. Every dollar you give this Passover is invested in the future of the Forward — and telling the American Jewish story fully and fairly.
The Forward doesn’t rely on funding from institutions like governments or your local Jewish federation. There are thousands of readers like you who give us $18 or $36 or $100 each month or year.
Support our mission to tell the Jewish story fully and fairly.
