Sutzkever by the Forward

נאָך אַ געלעגנהייט צו זען דעם געלויבטן פֿילם וועגן פּאָעט אַבֿרהם סוצקעווער, „ווער וועט בלײַבן?”

Another opportunity to watch acclaimed film on poet Abraham Sutzkever, “Who Will Remain?”

זונטיק, דעם 21סטן מאַרץ, וועט דער „ייִדישער ביכער־צענטער“ דורכפֿירן אַ ספּעציעלע אָנלײַן־ווײַזונג פֿונעם דאָקומענטאַר־פֿילם וועגן דעם פּאָעט, אַבֿרהם סוצקעווער, „ווער וועט בלײַבן?“.

דער פֿילם שילדערט ווי אַבֿרהם סוצקעווערס אייניקל, די ישׂראלדיקע אַקטריסע חדס קלדרון, פֿאָרט קיין ווילנע כּדי צו זען די ערטער וווּ דער גרויסער פּאָעט האָט געוווינט און געשאַפֿן.

דער פֿילם איז פּראָדוצירט געוואָרן דורך קלדרון און דעם „פּראָיעקט פֿון געשיכטע בעל־פּה“ בײַם „ייִדישן ביכער־צענטער“. קריסטאַ וויטני, דעם פּראָיעקטס דירעקטאָרין, האָט רעזשיסירט דעם פֿילם צוזאַמען מיט איר קאָלעגע, עמילי פֿעדער. דער דאָקומענטאַר נעמט אַרײַן אויסצוגן פֿון אינטערוויוען מיט מענטשן וואָס האָבן סוצקעווערן געקענט פּערזענלעך, ווי אויך פּריוואַטע פֿאָטאָגראַפֿיעס און ווידעאָס פֿון דער משפּחה.

כאָטש מע האָט דעם פֿילם פֿאַרענדיקט מיט כּמעט אַ יאָר צוריק, קען מען אים נאָך אַלץ ניט באַשטעלן אָנלײַן אָדער אויף „די־ווי־די“, ווײַל מע וויל אים צו ערשט ווײַזן אויף די קינאָ־פֿעסטיוואַלן. דערפֿאַר איז די אָנלײַן־ווײַזונג אַ זעלטענע געלעגנהייט צו זען דעם פֿילם, די צווייטע פֿונעם יאָר ביז אַהער, אַחוץ די אָנלײַן־קינאָ־פֿעסטיוואַלן.

אין צוזאַמענהאַנג מיט דער ווײַזונג וועלן הדס קלדרון, קריסטאַ וויטני און עמילי פֿעדער רעדן וועגן דעם פֿילם און ענטפֿערן אויף פֿראַגעס פֿון די צוקוקער. מע בעט, אַז די וואָס ווילן שטעלן אַ פֿראַגע זאָלן זי אַרײַנשיקן פֿון פֿריִער.

די פּראָגראַם וועט פֿאָרקומען 2:00 נאָך מיטאָג ניו־יאָרקער צײַט. די פֿילם־ווײַזונג איז בחינם אָבער מע מוז זיך פֿאַרשרײַבן פֿון פֿריִער.

כּדי צו באַקומען די לעצטע ידיעות וועגן דעם פֿילם, קען מען נאָכפֿאָלגן זײַן טוויטער־קאָנטע.

נאָך אַ געלעגנהייט צו זען דעם געלויבטן פֿילם וועגן פּאָעט אַבֿרהם סוצקעווער, „ווער וועט בלײַבן?”

Your Comments

The Forward welcomes reader comments in order to promote thoughtful discussion on issues of importance to the Jewish community. All readers can browse the comments, and all Forward subscribers can add to the conversation. In the interest of maintaining a civil forum, The Forward requires that all commenters be appropriately respectful toward our writers, other commenters and the subjects of the articles. Vigorous debate and reasoned critique are welcome; name-calling and personal invective are not and will be deleted. Egregious commenters or repeat offenders will be banned from commenting. While we generally do not seek to edit or actively moderate comments, our spam filter prevents most links and certain key words from being posted and the Forward reserves the right to remove comments for any reason.

Recommend this article

נאָך אַ געלעגנהייט צו זען דעם געלויבטן פֿילם וועגן פּאָעט אַבֿרהם סוצקעווער, „ווער וועט בלײַבן?”

Thank you!

This article has been sent!

Close