הערט אַ ייִדישן רעפֿעראַט אָנלײַן וועגן דעם ייִדישן אַרבעטער־בונדAttend an online Yiddish lecture about the Jewish Labor Bund
ד׳׳ר ליליאַן טירק וועט רעדן וועגן דעם בונדס קאָמפּליצירטן און צומאָל סתּירותדיקן צוגאַנג צו דער נאַציאָנאַלער פֿראַגע.
Graphic by Angelie Zaslavsky
אַז מע דערמאָנט הײַנט אַקאַדעמישע פּראָגראַמען וואָס ווערן טראַנסמיטירט אָנלײַן פֿון אייראָפּע, גייט די רייד געוויינטלעך וועגן אַ רעפֿעראַט אײַנגעאָרדנט דורכן „פּאַריזער ייִדיש־צענטער — מעדעם־ביבליאָטעק“, אָדער דורך ייִדישיסטן אין שוועדן אָדער ענגלאַנד.
שבת, דעם 24סטן אַפּריל, וועט מען אָבער קענען זען אַ פּראָגראַם אויף מאַמע־לשון פֿון האַמבורג. אינעם רעפֿעראַט, געווידמעט דער געשיכטע פֿונעם ייִדישן אַרבעטער־בונד, וועט די היסטאָריקערין ליליאַן טירק אַרומרעדן דעם בונדס באַציִונג צו דער ”נאַציאָנאַלער פֿראַגע“. כאָטש ס׳רובֿ סאָציאַליסטן האָבן דעמאָלט געפּריידיקט דעם אינטערנאַציאָנאַליזם, וועט טירק דערקלערן ווי אַזוי דער בונד האָט פּרובירט צו טאַנצן אויף צוויי חתונות, שטיצנדיק דעם אינטערנאַציאָנאַליזם, אָבער דערמוטיקנדיק די ייִדן צו אַנטוויקלען זייער אייגענע נאַציאָנאַלע קולטור אויף ייִדיש.
ווי אַ טייל פֿונעם רעפֿעראַט וועט זי פֿאָרלייענען אויסצוגן פֿון טעקסטן וואָס אַנטפּלעקן דעם בונדס צומאָל סתּירותדיקן צוגאַנג צום נאַציאָנאַליזם און אינטערנאַציאָנאַליזם, אַרײַנגערעכנט ש. אַנ־סקיס ליד, „אין זאַלציקן ים“, אַן עסיי פֿונעם בונדישן פֿירער הענריק ערליך וועגן די עיקר־פּרינציפּן פֿון דער באַוועגונג, און פֿאַרשידענע פּאַמפֿלעטן פֿאַרשפּרייט פֿון אירע מיטגלידער.
דער רעפֿעראַט, אײַנגעאָרדנט דורך דער „שלמה בירנבוים־געזעלשאַפֿט“, הייבט זיך אָן 9:00 אין דער פֿרי ניו־יאָרקער צײַט (3:00 נאָך מיטאָג אין דײַטשלאַנד). די פּראָגראַם איז בחינם, אָבער מע מוז זיך פֿאַרשרײַבן פֿון פֿריִער דורכן שיקן אַ בליצבריוו אויפֿן אַדרעס [email protected].
פֿאַראינטערעסירטע ווערן געבעטן זיך צו פֿאַרשרײַבן עטלעכע טעג פֿאַר דער לעקציע, כּדי מע זאָל זיי קענען צושיקן אַ ביסל לייען־מאַטעריאַל וועגן דער טעמע.
It’s our birthday and we’re still celebrating!
We hope you appreciated this article. Before you go, we’d like to ask you to please support the Forward’s independent Jewish news.
This week we celebrate 129 years of the Forward. We’re proud of our origins as a Yiddish print publication serving Jewish immigrants. And we’re just as proud of what we’ve become today: A trusted source of Jewish news and opinion, available digitally to anyone in the world without paywalls or subscriptions.
We’ve helped five generations of American Jews make sense of the news and the world around them — and we aren’t slowing down any time soon.
As a nonprofit newsroom, reader donations make it possible for us to do this work. Support independent, agenda-free Jewish journalism and our board will match your gift in honor of our birthday!
Support our mission to tell the Jewish story fully and fairly.
