האַרוואַרד־פּאַנעל: קווירע ייִדישיסטן רעדן וועגן זייערע טעטיקייטןHarvard panel: Queer Yiddishists discuss their work
צווישן די אָנטיילנעמער — די גרינדער פֿון אַן אַנאַרכיסטישן קאַפֿע און מלכּה ווײַס, אַן אַקטריסע וואָס איז דערצויגן געוואָרן אין אַ חסידישער משפּחה.
Graphic by Angelie Zaslavsky
דער „צענטער פֿאַר יודאַיִסטיק“ בײַם האַרוואַרד־אוניווערסיטעט אָרדנט אײַן אַ פּאַנעל, אין וועלכן קווירע אַקטיאָרן, מוזיקער און קולטור־טוער וואָס פֿאַרנעמען זיך מיט ייִדיש וועלן רעדן וועגן זייערע טעטיקייטן. זוהר ווײַמאַן־קעלמאַן, אַ פּראָפֿעסאָר בײַם בן־גוריון־אוניווערסיטעט וואָס ספּעציאַליזירט זיך אין קווירער טעאָריע און אין דער ייִדישער ליטעראַטור, וועט פֿירן דעם פֿאָרזיץ. די באַטייליקטע וועלן אַרומרעדן ווי אַזוי זייער אידענטיטעט ווי קווירע ייִדן ווירקט אויף זייער צוגאַנג צו זייערע קולטורעלע פּראָיעקטן.
דער פּאַנעל וועט פֿאָרקומען מאָנטיק, דעם 3טן מײַ, 12:30 נאָך מיטאָג ניו־יאָרקער צײַט.
עס וועלן אָנטייל נעמען:
יעווגעני פֿיקס — אַ מאָסקווע־געבוירענער קינסטלער, וואָס האָט אַרויסגעגעבן אַ ביכל וועגן קווירקייט און ייִדיש אינעם ראַטן־פֿאַרבאַנד.
אײַראַ חנן טעמפּל: אַ מוזיקער, פּאָעט און קולטור־טוער, וואָס שפּילט אין עטלעכע קאַפּעליעס, אַרײַנגערעכנט „ציבעלע“, און איז אַקטיוו אין אַ צאָל פּאָליטישע פּראָיעקטן וואָס מישן צונויף מוזיק מיט אַקטיוויזם.
מלכּה ווײַס — אַ ייִדישע אַקטריסע און פּראָדוצענטקע, וואָס איז דערצויגן אין אַ חסידישער משפּחה און שפּילט ניט זעלטן קווירע העלדינס.
מאָרגען מישע לבֿ עדוואַרד האָלעב און דזשאָו אײַזעק — קולטור־טוער וואָס האָפֿן צו לאַנצירן אַ קווירן אַנאַרכיסטישן קאַפֿע געווידמעט דער ייִדישער קולטור, „די ראָזעווע פּאַווע“, אין גלאַזגיי, וווּ דאָס גאַנצע עסן וועט זײַן וועגאַניש, כּשר און האַלאַל.
דער פּאַנעל איז בחינם, אָבער מע מוז זיך פֿאַרשרײַבן פֿון פֿריִער דאָ.
Did you know that only 2% of Forward readers donate to support our nonprofit newsroom? That 2% make it possible for millions to read the Forward without a paywall or subscription — removing any barriers to the full and fair Jewish story.
But while the Forward is free to read, it isn’t free to produce. Big stories — like deep dives into the antisemitism data, political scoops or reporting trips to college campuses — take months of research and fact-checking. All while we keep you informed of what you need to know each day.
— Rachel Fishman Feddersen, Forward Publisher & CEO
Support our mission to tell the Jewish story fully and fairly.
