Skip To Content
Get Our Newsletter
JEWISH. INDEPENDENT. NONPROFIT.

Support the Forward

Funded by readers like you DonateSubscribe
Yiddish

אָנלײַן־קלאַס וועגן י. ל. פּרצעס ווירקונג אויף באַשעוויסן (געלערנט אויף ייִדיש און ענגליש)Online class: I. L. Peretz’s influence on Isaac Bashevis Singer (taught in Yiddish and English)

שיין בייקער וועט דערקלערן ווי דער נאָבל־לאַוורעאַט האָט ניט בלויז געשאַפֿן ווערק אויף אַן ענלעכן יסוד, נאָר געפֿירט אַ קאָנקורענץ מיטן קלאַסיקער.

שיין בייקער, דער דירעקטאָר פֿונעם ייִדישן קולטור־קאָנגרעס, איז צום בעסטן באַקאַנט דעם עולם ווי אַן אַקטיאָר און קולטור־טוער. ער איז אָבער אויך אַ גרויסער קענער פֿון דער ייִדישער ליטעראַטור. אין אַפּריל און מײַ האָט ער אָנגעפֿירט מיט אַן אָנלײַן־קלאַס אויף ייִדיש און ענגליש וועגן סוצקעווערס פּראָזע־ווערק, אַרײַנגערעכנט אַ ציקל דערציילונגען וואָס בייקער האָט פֿריִער געהאַט פֿאַרוואַנדלט אין אַ טעאַטראַלישער פֿאָרשטעלונג.

אין גיכן וועט בייקער לערנען נאָך אַ קורס געווידמעט אַ פּאָעמע, וואָס ער האָט אָפֿט רעציטירט און פֿאָרגעשעטלט אויף דער בינע: י. ל. פּרצעס „מאָניש“. די פּאָעמע, צוזאַמען מיט עטלעכע דערציילונגען פּרצעס, האָבן מיט יאָרן שפּעטער שטאַרק באַווירקט באַשעוויסן בײַם שרײַבן זײַנע אייגענע ווערק

דער קורס, וואָס וועט באַשטיין פֿון 6 סעסיעס — 75 מינוט לאַנג, וועט פֿאָרקומען יעדן זונטיק, 6:00 ניו־יאָרקער צײַט, פֿון זונטיק, דעם 6טן יוני ביז זונטיק, דעם 11טן יולי. דער שׂכר־לימוד איז $125.

אינעם קורס וועט בייקער ווײַזן ווי אַזוי צוויי פֿון באַשעוויסעס דערציילונגען, „דער שפּיגל“ און „מעשׂה טישעוויץ“, רופֿן זיך אָפּ אויף פּרצעס צוויי ווערק, „מאָניש“ און „די תּאווה צו קליידער“. בייקער גיט איבער, אַז אין באַשעוויסעס צוויי שדים־מאָנאָלאָגן, ”געפֿינט מען ניט נאָר ענלעכע שטריכן, נאָר אויך אַז זיי זענען געבויט אויף די זעלביקע יסודות און אַז באַשעוויס שפּילט אַ קאָנקורענץ מיט פּרצן“.

בייקער וועט פֿאָרלייענען די דערציילונגען אויף ייִדיש און די סטודענטן וועלן קענען מיטלייענען אָדער אויף ייִדיש, אָדער אויף ענגליש און מע וועט אַרומרעדן די טעקסטן אויף ביידע שפּראַכן.

כּדי זיך צו פֿאַרשרײַבן, שרײַבט שיין בייקערן אויפֿן אַדרעס kongres@earthlink.net.

Dive In

    Engage

    • SHARE YOUR FEEDBACK

    • UPCOMING EVENT

    Republish This Story

    Please read before republishing

    We’re happy to make this story available to republish for free under an Attribution-Non Commercial-No Derivatives Creative Commons license as long as you follow our republishing guidelines, which require that you credit Foward and retain our pixel. See our full guidelines for more information.

    To republish, copy the HTML, which includes our tracking pixel, all paragraph styles and hyperlinks, the author byline, and credit to Foward. Have questions? Please email us at help@forward.com.

    We don't support Internet Explorer

    Please use Chrome, Safari, Firefox, or Edge to view this site.