ווי וועט ייִדיש־דואָלינגאָ משפּיע זײַן אויפֿן ייִדיש־לימוד? (שמועס אויף ענגליש)How will Yiddish Duolingo affect the teaching of Yiddish? (Discussion in English)
אַ טייל פֿון די פֿערטל מיליאָן דואָלינגאָ־סטודענטן האָבן זיך שוין פֿאַרשריבן אויף ייִדיש־קורסן, אָנגעפֿירט דורך אמתע לערער.
Graphic by Angelie Zaslavsky
זינט ס׳איז אין אַפּריל אײַנגעפֿירט געוואָרן דער ייִדיש־קורס בײַ דער אַפּליקאַציע דואָלינגאָ, האָבן אַ פֿערטל מיליאָן מענטשן זיך שוין פֿאַרשריבן אויף דעם.
אָבער דערנאָך איז געשען נאָך אַ טשיקאַווע זאַך: במשך פֿונעם לעצטן חודש האָבן אַ טייל פֿון די דואָלינגאָ־סטודענטן זיך אויך פֿאַרשריבן אויף ייִדיש־קורסן פֿון אַ מער טראַדיציאָנעלן שניט, אָנגעפֿירט דורך לערער. קען מען טאַקע זיך משער זײַן אַז אין דער נאָענטער צוקונפֿט וועלן אַ סך אַנדערע דואָלינגאָ־סטודענטן טאָן דאָס זעלבע.
כאָטש דואָלינגאָ קאָסט טאַקע נישט קיין געלט, איז עס פֿאָרט אַ קורס וווּ מע לערנט זיך אַליין די שפּראַך; נישטאָ קיין לערער וואָס זאָלן אויסבעסערן די גרײַזן פֿונעם סטודענט, אַזוי ווי ס׳איז דאָ אין אַלגעמיינע ייִדיש־קורסן.
זונטיק, דעם 27סטן יוני, 2:00 נאָך מיטאָג ניו־יאָרקער צײַט וועט דוד בראַון, דער דירעקטאָר פֿון דער ייִוואָס זומער־פּראָגראַם, פֿירן אַן אומפֿאָרמעלן שמועס מיט צוויי שאַפֿער פֿונעם דואָלינגאָ־קורס, מינע־ליפֿשע ווישוואַנאַט און לוי פּאָלאַטשעק, וועגן דער השפּעה פֿונעם ייִדיש־דואָלינגאָ אויף דעם ייִדיש־לימוד בכלל. איין פֿראַגע וואָס מע וועט באַטראַכטן, למשל, איז דאָס וואָס אין פֿאַרגלײַך מיט געוויינטלעכע ייִדיש־סטודענטן, וואָס לערנען זיך דעם פֿאָנעטישן אַרויסרעד פֿון כּלל־ייִדיש, לערנען זיך די דואָלינגאָ־סטודענטן דעם אונגעריש־ייִדישן אַרויסרעד פֿון די הײַנטיקע חסידים.
דער שמועס איז אַ טייל פֿון אַ סעריע אומפֿאָרמעלע אָנלײַן־טרעפֿונגען מיט ייִדישיסטן, קולטור־טוער און אַרטיסטן, אָרגאַניזירט פֿון ייִוואָ. דער אַקטיאָר און דירעקטאָר פֿונעם ייִדישן קולטור־קאָנגרעס, שיין בייקער, וועט פֿירן דעם פֿאָרזיץ.
דער אײַנטריט צו דער פּראָגראַם איז בחינם אָבער מע מוז זיך פֿאַרשרײַבן פֿון פֿריִער דורכן געבן אַ קוועטש דאָ.
כּדי זיך צו דערוויסן מער וועגן דעם ייִדישן ”דואָלינגאָ“, קען מען קוקן אויפֿן פֿאָרווערטס־זומינאַר וועגן דער טעמע (אויף ענגליש) אָדער זיך צוהערן צו אַן אינטערוויו מיט עטלעכע שאַפֿער פֿון דער פּראָגראַם אויף ייִדיש.
מע קען אויך זען אַ רעפֿעראַט פֿון דוד בראַון וועגן דער ייִדישער דיאַלעקטאָלאָגיע דורכן געבן אַ קוועטש, דאָ.
This is a moment of great uncertainty. Here’s what you can do about it.
We hope you appreciated this article. Before you go, we’d like to ask you to please support the Forward’s independent Jewish news this Passover. All donations are being matched by the Forward Board - up to $100,000.
This is a moment of great uncertainty for the news media, for the Jewish people, and for our sacred democracy. It is a time of confusion and declining trust in public institutions. An era in which we need humans to report facts, conduct investigations that hold power to account, tell stories that matter and share honest discourse on all that divides us.
With no paywall or subscriptions, the Forward is entirely supported by readers like you. Every dollar you give this Passover is invested in the future of the Forward — and telling the American Jewish story fully and fairly.
The Forward doesn’t rely on funding from institutions like governments or your local Jewish federation. There are thousands of readers like you who give us $18 or $36 or $100 each month or year.
Support our mission to tell the Jewish story fully and fairly.
