נײַע ייִדישע פּיעסע אָנלײַן: „קאָראָנאַ און דער נײַער נאָרמאַל‟New Yiddish play online: “Corona and the new normal”
אין דער שעפֿערישער פּיעסע שפּילט דער אַקטיאָר אַבֿי האָפֿמאַן די ראָלע פֿון קאָראָנאַ, און סוזאַן טאָרען שפּילט די אינטערנעץ.
זונטיק, דעם 11טן יולי, וועט מען פֿאָרשטעלן אָנלײַן אַ נײַע פּיעסע אויף ייִדיש, „קאָראָנאַ און דער נײַער נאָרמאַל‟, ווי אַ טייל פֿונעם יערלעכן בענעפֿיט לטובֿת דער ייִדישיסטישער אָרגאַניזאַציע, YAAANA. די פּיעסע וועט באַגלייט ווערן פֿון ענגלישע אונטערקעפּלעך.
די פּראָדוקציע איז אויפֿן סמך פֿון לאה האָפֿמאַנס פּיעסע, „קראַפֿט‟, וואָס איז אויפֿגעפֿירט געוואָרן אין 1930.
אין דער פּיעסע וועט דער ייִדישער אַקטיאָר אַבֿי האָפֿמאַן שפּילן די ראָלע פֿון קאָראָנאַ; סוזאַן טאָרען וועט שפּילן די אינטערנעץ; מיכל יאַשינסקי — פֿייסבוק, און משהלע מאַריאָ אַלפֿאָנזאָ — מאַדאַם נעטפֿליקס. עס וועלן זיך אויך באַטייליקן סאַם גונקלער, בערטאָלד קאַרסטען טרויקע, לאה קאַליש און לאה ראָזענפֿעלד.
נאָך דער פֿאָרשטעלונג וועט מען ווײַזן אַן אַנימאַציע וואָס באַגלייט אַ נײַ ליד פֿונעם לידער־שאַפֿער פּסוי קאָראָלענקאָ. די אַנימאַציע, געשאַפֿן פֿון קענדאַל איסטוווּד, איז אַ פּראָיעקט פֿון „ייִדישלאַנד קאַליפֿאָרניע‟.
די אויפֿפֿירונג וועט פֿאָרקומען 2:00 נאָך מיטאָג ניו־יאָרקער צײַט, 11:00 אין דער פֿרי קאַליפֿאָרניער צײַט, 8:00 אין אָוונט פֿאַר ס׳רובֿ פֿון אייראָפּע און 9:00 אין אָוונט ישׂראלדיקע צײַט.
בילעטן זענען $36. כּדי צו רעזערווירן אַ בילעט, גיט אַ קוועטש דאָ
נאָך מער אינפֿאָרמאַציע שרײַבט אַ בליצבריוו צו [email protected].
A message from our Publisher & CEO Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
