במשך פֿון דער סוכּות־וואָך — אַ שפּײַז־פֿעסטיוואַל אָנלײַןDuring the week of Sukkot – an online food festival
אין גײַסט פֿון דער הײַיאָריקער טעמע, „שכנים‟, וועט מען הערן וועגן דער געשיכטע און פּאָטראַוועס פֿון דער האָלענדיש־ייִדישער קיך.
Image by Polin Museum
חול־המועד סוכּות איז אַ מינהג צו נעמען פֿרײַ פֿון דער אַרבעט און גיין פֿאַרברענגען, כּדי באמת צו פֿילן די פֿרייד פֿונעם יום־טובֿ.
שוין עטלעכע יאָר לאַנג פֿירט דער פּולין־מוזיי אָן מיט אַ ייִדישן שפּײַז־פֿעסטיוואַל, מיטן פּשוטן נאָמען „טיש‟. הײַיאָר קומט ער אָבער פֿאָר אָנלײַן. הייסט עס, אַז אין פֿאַרגלײַך מיט שפּײַז־פֿעסטיוואַלן פּנים־אל־פּנים, ווען די באַטייליקטע גייען פֿון איין בודקע צו דער צווייטער, פֿאַרזוכנדיק כּלערליי פּאָטראַוועס, קומען פֿאָר אַ ריי אַקטיוויטעטן וואָס דערמעגלעכן די צוקוקער זיך צו באַטייליקן אינעם פֿעסטיוואַל בײַ זיך אין דער היים.
די טעמע פֿונעם הײַיאָריקן שפּײַז-פעסטיוואַל, וואָס וועט אָנגיין ביזן 26סטן סעפּטעמבער, איז „שכנים‟. וועט מען דעריבער דיסקוטירן נישט בלויז די ייִדישע קיך, און ווי אַזוי די ייִדישע און פּוילישע פּאָטראַוועס האָבן משפּיע געווען איינע אויף דער אַנדערער, אָבער אויך וועגן די קולינאַרע טראַדיציעס פֿון אַנדערע עטנישע גרופּעס וואָס וווינען הײַנט אין וואַרשע.
צווישן די אַקטיוויטעטן: די צוקוקער וועלן זיך דערוויסן וועגן דער האָלענדיש־ייִדישער קיך; זיך לערנען ווי צו מאַכן אַ סוכּותדיקן טאָרט; אויסהעפֿטן אַ טישטעך לכּבֿוד יום־טובֿ; פֿלעכטן אַ חלה; זיך לערנען אַ ביסל ייִדיש, זיך דערוויסן וועגן די מאכלים פֿון די וויעטנאַמעזער וואָס וווינען הײַנט אין וואַרשע, און אַפֿילו ווערן אַ מיט־מחבר פֿון אַ צוקונפֿטדיקער אויסשטעלונג וועגן דער ייִדישער קיך פּראָדוצירט פֿונעם פּולין־מוזיי.
כּדי זיך צו באַטייליקן אין איינעם אָדער מער פֿון די אַקטיוויטעטן, גיט אַ קוועטש דאָ.
A message from our CEO & publisher Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
