Skip To Content
Get Our Newsletter
JEWISH. INDEPENDENT. NONPROFIT.

Support the Forward

Funded by readers like you DonateSubscribe

שׂימחה אָנלײַן לכּבֿוד צוויישפּראַכיקן קינדערביכל, „דאָס קלוגע שנײַדערל‟Virtual celebration for bilingual children’s book, “The Clever Tailor”

דער מחבר, שלמה סײַמאָן, איז געווען אַ פּראָדוקטיווער ייִדישער שרײַבער, באַקאַנט פֿאַר זײַנע קינדערביכער און ווי אַ גרינדער פֿון די שלום־עליכם־שולן.

זונטיק, דעם 14טן נאָוועמבער וועט מען פּראַווען אַ יום־טובֿ לכּבֿוד דער פּובליקאַציע פֿונעם צוויישפּראַכיקן ייִדישן קינדערביכל, „דאָס קלוגע שנײַדערל‟, פֿון שלמה סײַמאָן. דאָס איז דאָס ערשטע ביכל אַרויסגעגעבן פֿון „פֿאַרלאַג־קינדער־לשון‟ — דעם נײַעם פֿאַרלאַג בײַ דער אָרגאַניזאַציע, יוגנטרוף.

אויף דער שׂימחה וועלן אויפֿטרעטן דער איבערזעצער פֿונעם בוך, דוד פֿאָרמאַן; דער אַקטיאָר און זינגער מיכל יאַשינסקי און די זינגערין עדה העטקאָ. מע וועט אויך פֿאָרלייענען פֿונעם ביכל אויף ייִדיש און אויף ענגליש, אויפֿפֿירן לידער אינספּירירט פֿונעם ראָמאַן, און ווײַזן קורצע פֿילמען וועגן דעם מחבר און דעם אילוסטראַטאָר פֿון ביכל, ייִדל בלום. 

שלמה סײַמאָן (זײַן געבוירענער משפּחה־נאָמען: שימאָנאָוויטש) איז געבוירן געוואָרן אין 1895, אינעם ווײַסרוסישן שטעטל קאַלינקאָוויטש, זיך געלערנט אין חדר און שפּעטער אין עטלעכע ישיבֿות. אינעם יאָר 1913 האָט ער זיך באַזעצט אין ניו־יאָרק און אין 1920 האָט ער אָנגעהויבן שטודירן ציינדאָקטערײַ אָבער איז שפּעטער געוואָרן אַ פּעדאַגאָג. ער איז אויך געוואָרן אַן איבערגעגעבענער וועלטלעכער ייִדישיסט און אַ גרינדער פֿונעם שלום־עליכם פֿאָלק־אינסטיטוט און זײַנע פֿאָלקשולן. 

במשך פֿון זײַן לעבן האָט סײַמאָן אָנגעשריבן בערך 30 ביכער אויף ייִדיש און ענגליש. זײַנע דערציילונגען און אַרטיקלען זענען אויך דערשינען אין דער „פֿרײַער אַרבעטער־שטימע‟, „די צײַט‟, „דער טאָג‟ און אַנדערע פּאָפּולערע פּעריאָדישע אויסגאַבעס אויף ייִדיש. אין 1950 איז ער געוואָרן אַ שטענדיקער מיטאַרבעטער פֿון „די פּרעסע‟ אין בוענאָס־אײַרעס. באַזונדערס באַקאַנט זענען זײַנע ביכער פֿאַר קינדער, אַרײַנגערעכנט „די העלדן פֿון כעלם‟ און „שמערל נאַר‟.

די שׂימחה, וואָס וועט זײַן פֿרײַ פֿון אָפּצאָל, וועט זיך אָנהייבן 4:00 נאָך מיטאָג (אויפֿן ניו־יאָרקער זייגער). כּדי צו זען די פּראָגראַם גיט אַ קוועטש דאָ. כּדי צו קויפֿן „דאָס קלוגע שנײַדערל‟, גיט אַ קוועטש דאָ.

Dive In

    Engage

    • SHARE YOUR FEEDBACK

    • UPCOMING EVENT

    Republish This Story

    Please read before republishing

    We’re happy to make this story available to republish for free under an Attribution-Non Commercial-No Derivatives Creative Commons license as long as you follow our republishing guidelines, which require that you credit Foward and retain our pixel. See our full guidelines for more information.

    To republish, copy the HTML, which includes our tracking pixel, all paragraph styles and hyperlinks, the author byline, and credit to Foward. Have questions? Please email us at help@forward.com.

    We don't support Internet Explorer

    Please use Chrome, Safari, Firefox, or Edge to view this site.