אַ שמועס וועגן דעם טריטאָן, אַן אַמפֿיביע, אויף ייִדישDiscussing the triton, an amphibian, in Yiddish
מרדכי מילער, וועלכער האָט געשריבן וועגן דעם אויף פֿייסבוק, האָט אויך אָנגעגעבן דעם לינק צו אַ ייִדיש בוך וועגן זאָאָלאָגיע.
Photo by Mordkhe Miller
איין אָוונט די וואָך, בעת איך האָב איבערגעקוקט די מעלדונגען אויף פֿייסבוק האָב איך זיך אָנגעכאַפּט אין אַן אינטערעסאַנטן פּאָסט וועגן דעם אַפֿיבישן באַשעפֿעניש — דעם טריטאָן (newt), אויף ייִדיש.
בײַ מיר איז תּמיד אינטערעסאַנט צו זען ווי מע באַשרײַבט אויף ייִדיש די נאַטור.
מרדכי מילער, וועלכער שרײַבט זײַן נאָמען און אַלע מעלדונגען אויף פֿייסבוק בלויז אויף ייִדיש, האָט געשריבן אַזוי:
„נאָכן ווינטער וואַכט־אויף די נאַטור: נעכטן האָב איך אין וואַלד ביים קוואַל דערזען דעם ערשטן שרץ. ס’איז געווען אַ שוואַרצער טריטאָן (איכטיאָסאַוראַ אַלפּעסטריס).“
דערנאָך האָט ער אָנגעגעבן דעם לינק צו זעקס זײַטן פֿון אָטאָ שמעילס בוך „זאָאָלאָגיע: די יסודות פון דעם לימוד וועגן דעם לעבן“ (ווילנע 1920, זז׳ 55־60), וואָס גיט איבער אַ סך אינפֿאָרמאַציע וועגן אַמפֿיביעס, בפֿרט שילדקרעטן (טשערעפּאַכעס).
דעם טריטאָן האָט מילער דערזען אין אַ וועלדל לעבן דעם דערפֿל נידער־עשבאַך, צפֿונדיק פֿון פֿראַנקפֿורט אויפֿן מאַין אין דײַטשלאַנד.
„אינעם וועלדל וואָס געפֿינט זיך אויפֿן אַראָפּהאַנג פֿון אַ בערגל זענען פֿאַראַן עטלעכע קוואַלן,“ האָט ער מיר געשריבן. „דעריבער איז די ערד אין וואַלד אַ היפּש ביסל פֿײַכט און אַמאָל אַפֿילו זומפּיק. בקיצור, ס’איז אַן אידעאַלער אַרום פאַר אַמפֿיביעס.“
A message from our CEO & publisher Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
