Skip To Content
JEWISH. INDEPENDENT. NONPROFIT.
Yiddish

צווייטע אייראָפּעיִשע ייִדיש־וואָך אין גריכנלאַנדSecond European Yiddish Week in Greece

די פּראָגראַם, וואָס קומט פֿאָר סוף־דעצעמבער — אָנהייב יאַנואַר, האָט פֿאַראַיאָרן צוגעצויגן געסט פֿון אַ טוץ לענדער און אַפֿילו אַ חתונה

בעת די אָרגאַניזירער פֿון דער „ייִדיש־וואָך‟ האַלטן בײַם פֿאַרענדיקן די צוגרייטונגען אויף איר 45סטער פּראָגראַם, וואָס וועט פֿאָרקומען אין צוויי וואָכן אַרום, הייבן אָן די אָרגאַניזירער פֿון איר אייראָפּעיִשער צווילינג־פּראָגראַם זייער אַרבעט.

דער „פּאַריזער ייִדיש־צענטער — מעדעם־ביבליאָטעק‟ האָט לעצטנס געלאָזט וויסן, אַז דער צווייטער „ייִדיש־מאַראַטאָן‟ וועט פֿאָרקומען אין גריכנלאַנד פֿונעם 29סטן דעצעמבער ביזן 4טן יאַנואַר. אַזוי ווי פֿאַראַיאָרן וועט מען זיך טרעפֿן אין סוניואָן, אויפֿן האַלבאינדזל אַטיקי. מע וועט אײַנשטיין אינעם „סאַראָן האָטעל‟, וואָס געפֿינט זיך לעבן דעם ברעג־ים און ניט ווײַט פֿון אַ באַרימטן אוראַלטן טעמפּל לכּבֿוד דעם גריכישן ים־גאָט פּאָסיידאָן.

די צימערן װוּ די באַטײליקטע װעלן אײַנשטײן װערן אויסגעשטאַט מיט אַ טעלעוויזאָר און צוטריט צו דער אינטערנעץ. מע האָט נאָך ניט אַנאָנסירט די פּרײַזן פֿון דער הײַיאָריקער פּראָגראַם. פֿאַראַיאָרן האָט דער „ייִדיש־מאַראַטאָן‟, װאָס נעמט אַרײַן צוויי מאָלצײַטן אַ טאָג, געקאָסט 470 אייראָ פֿאַר אַן איינצעלן צימער; 350 אייראָ פֿאַר אַ צימער פֿאַר צוויי מענטשן, און 310 אייראָס פֿאַר אַ צימער פֿאַר דרײַ אָדער פֿיר מענטשן.

די פּראָגראַם ווערט מיטגעשטיצט דורך דער אָרגאַניזאַציע othermusic e. V, וואָס פֿירט אָן מיטן „ייִדיש־זומער־ווײַמאַר‟. די אָרגאַניזירער קענען הײַיאָר ניט פֿינאַנצירן קיין סטיפּענדיעס אָבער בעטן געלט פֿון מנדבֿים, וואָס ווילן אונטערשטיצן אַזאַ איניציאַטיוו.

מע וועט זיך קענען רעגיסטרירן נאָכן 5טן אויגוסט. נאָך אינפֿאָרמאַציע, קוועטשט דאָ.

דערווײַל האָט מען נאָך ניט געהערט צי אויף דער קומענדיקער „ייִדיש־מאַראַטאָן‟ וועט מען ווידער שטעלן אַ חופּה, אָבער אפֿשר וועט אַ פֿאָרווערטס־לייענער באַשליסן דאָרט צו האַלטן זײַן אָדער איר אייגענעם „דעסטיניישאָן־חתונה‟.

Dive In

    Republish This Story

    Please read before republishing

    We’re happy to make this story available to republish for free, unless it originated with JTA, Haaretz or another publication (as indicated on the article) and as long as you follow our guidelines. You must credit the Forward, retain our pixel and preserve our canonical link in Google search.  See our full guidelines for more information, and this guide for detail about canonical URLs.

    To republish, copy the HTML by clicking on the yellow button to the right; it includes our tracking pixel, all paragraph styles and hyperlinks, the author byline and credit to the Forward. It does not include images; to avoid copyright violations, you must add them manually, following our guidelines. Please email us at [email protected], subject line “republish,” with any questions or to let us know what stories you’re picking up.

    We don't support Internet Explorer

    Please use Chrome, Safari, Firefox, or Edge to view this site.