לערערינס פֿון מעלבורנער ייִדישער טאָגשול וועלן רעדן אין ניו־יאָרקTeachers from Melbourne’s Yiddish Day School to Speak in NYC
דבֿורה און רייזל זילבערמאַן וועלן האַלטן אַ לעקציע וועגן זייער אַרבעט און דער פּעדאַגאָגישער פֿילאָסאָפֿיע פֿון דער שול
Graphic by Angelie Zaslavsky
דבֿורה זילבערמאַן און רייזל זילבערמאַן, צווילינג־שוועסטער וואָס זענען אויפֿגעוואַקסן אין דער מעלבורנער בונדישער סבֿיבֿה און לערנען הײַנט אין דער „שלום־עליכם־שול‟, וועלן האַלטן אַ לעקציע אין מאַנהעטן וועגן זייער אַרבעט און דער פּעדאַגאָגישער פֿילאָסאָפֿיע פֿון דער שול.
הײַנט איז די „שלום־עליכם־שול‟ אין מעלבורן די איינציקע טאָגשול מחוץ דער חסידישער וועלט, וווּ אַלע תּלמידים לערנען זיך ייִדיש ווי אַ מוז־לימוד. די שול, געשאַפֿן דורכן אָרטיקן „ייִדישן אַרבעטער־בונד‟, איז אינספּירירט געוואָרן פֿון דער „צענטראַל ייִדישער שול־אָרגאַניזאַציע‟ (צישאָ), וואָס האָט אָנגעפֿירט מיט הונדערטער ייִדישע וועלטלעכע שולן אין פּוילן פֿאַר דער צווייטער וועלט־מלחמה.
ווי אַזוי קומט עס, אַז דווקא אין מעלבורן לערנען זיך הונדערטער קינדער רעדן, לייענען און שרײַבן ייִדיש, ווען ייִדיש איז מחוץ דער חסידישער וועלט בלויז אַן אויסקלײַב־לימוד אין אַ האַלבן טוץ ייִדישע טאָגשולן אין אַמעריקע, קאַנאַדע און ישׂראל? און ווי אַזוי רעדט מען אײַן די עלטערן, אַז ס׳איז כּדאַי די קינדער זאָלן אָפּגעבן אַזוי פֿיל צײַט אויפֿן ייִדיש־לימוד? דבֿורה און רייזל וועלן דאָס אַלץ דערקלערן, ווי אויך רעדן וועגן זייערע אַנדערע פּראָיעקטן פֿאַרבונדן מיט ייִדיש.
די רעדע, אויף ענגליש, וואָס ווערט אָרגאַניזירט דורכן „אַרבעטער־רינג‟ און דער ייִדיש־ליגע, וועט פֿאָרקומען מיטוואָך, דעם 7טן אויגוסט, 6:30 אין אָוונט דאָ: 346 West 72nd Street.
It’s our birthday and we’re still celebrating!
We hope you appreciated this article. Before you go, we’d like to ask you to please support the Forward’s independent Jewish news.
This week we celebrate 129 years of the Forward. We’re proud of our origins as a Yiddish print publication serving Jewish immigrants. And we’re just as proud of what we’ve become today: A trusted source of Jewish news and opinion, available digitally to anyone in the world without paywalls or subscriptions.
We’ve helped five generations of American Jews make sense of the news and the world around them — and we aren’t slowing down any time soon.
As a nonprofit newsroom, reader donations make it possible for us to do this work. Support independent, agenda-free Jewish journalism and our board will match your gift in honor of our birthday!
Support our mission to tell the Jewish story fully and fairly.
