וואָס עס שטייט אין בירגער־מײַסטער דעבלאַזיאָס ייִדישן „וואַטסאַפּ‟What Mayor De Blasio’s Yiddish Whatsapp Actually Says
סאַטמאַרער עסקנים האָבן לעצטנס דורך דער אינטערנעץ, אויף ייִדיש, זיך געבעטן בײַם חסידישן ציבור צו שטיצן דע בלאַזיאָס קאַמפּאַניע.
בירגער־מײַסטער ביל דע בלאַזיאָ באַגריסט אַ ייִדישן אײַנוווינער פֿון פּאַריז בעת זײַן באַזוך אַהין אין 2015 Image by Getty Images
חסידישע עסקנים וואָס שטיצן די פּרעזידענטישע קאַמפּאַניע פֿונעם ניו־יאָרקער בירגער־מײַסטער ביל דעבלאַזיאָ האָבן לעצטנס, דורך דער אינטערנעץ, אַרויסגעשיקט אַן אַפּעל אויף ייִדיש, צו שטיצן זײַן קאַמאַניע.
ניצנדיק „וואַטסאַפּ‟, האָבן די פֿירער פֿון די סאַטמערער קרײַזן גערופֿן די חסידים צו געבן אַ בײַשטײַער — אַפֿילו בלויז 1$ — צו דע בלאַזיאָס קאַמפּאַניע, כּדי צו דערמעגלעכן זײַן באַטייליקונג אין דער טעלעוויזירטער דעבאַטע פֿון די דעמאָקראַטישע קאַנדידאַטן אין סעפּטעמבער.
„מיר בעטן אייך בכל לשון של בקשה, בײַשטײַערט אָ דאָלאַר מיט אײַער קרעדיט קאַרד,‟ איז געשטאַנען אינעם „וואַטסאַפּ‟. „בעט אויך אײַער פֿרוי און ערוואַקסענע קינדער וואָס האָבן קרעדיט קאַרדס צו בײַשטײַערן… געדענקט: ס’איז זעלטן וואָס אַ דאָלאַר טראָגט אַזאַ ווערד.‟
נעמענדיק אין באַטראַכט אַז בדרך־כּלל זענען די חסידים נישט פּאָליטיש אַקטיוו, גיבן די עסקנים צו אַזאַ דערקלערונג: „איר זענט טאַקע נישט געוווינט צו געבן פּאָליטישע בײַשטײַערונגען, אָבער דאָס איז אַ חסד פֿאַרן ציבור, דורכן ווײַזן אַז עס אינטערעסירט אונדז.‟
און טאָמער פֿאַרשטייט עמעצער נישט פֿאַר וואָס ס׳איז אַזוי וויכטיק צו שטיצן דווקא דע בלאַזיאָ, באַטאָנט דער „וואַטסאַפּ‟ וויפֿל דער ביגער־מײַסטער האָט געהאָלפֿן דעם חסידישן ציבור במשך פֿון זײַן קאַדענץ: „מיטן געבן דעם דאָלאַר שטיצט איר נצרכים [די חסידישע אָרעמע לײַט], דעם גאַנצן חרדישן ציבור און אונדזערע רעכטן און געברויכן, דורך ענטפֿערן דעם רוף פֿון עסקנים, וואָס דאַרפֿן ווײַזן אַז דער ציבור אָנערקענט די וואָס פֿאַרשטייען אונדזערע אינטערעסן.‟
It’s our birthday and we’re still celebrating!
We hope you appreciated this article. Before you go, we’d like to ask you to please support the Forward’s independent Jewish news.
This week we celebrate 129 years of the Forward. We’re proud of our origins as a Yiddish print publication serving Jewish immigrants. And we’re just as proud of what we’ve become today: A trusted source of Jewish news and opinion, available digitally to anyone in the world without paywalls or subscriptions.
We’ve helped five generations of American Jews make sense of the news and the world around them — and we aren’t slowing down any time soon.
As a nonprofit newsroom, reader donations make it possible for us to do this work. Support independent, agenda-free Jewish journalism and our board will match your gift in honor of our birthday!
Support our mission to tell the Jewish story fully and fairly.
