League for Yiddish by the Forward

„ייִדיש־ליגע‟ באַשטימט נײַעם דירעקטאָר און נײַעם שעף־רעדאַקטאָר

League for Yiddish Selects New Director and New Editor-in-Chief

נאָך 15 יאָר ווי דער עקזעקוטיוו־דירעקטאָר פֿון דער „ייִדיש־ליגע‟ און ווי דער שעף־רעדאַקטאָר פֿון איר פּובליקאַציע, „אויפֿן שוועל‟, וועט ד׳׳ר שבֿע צוקער אין יאַנואַר 2020 זיך פּענסיאָנירן.

איר אָרט וועלן פֿאַרנעמען צוויי באַקאַנטע קולטור־טוער אויפֿן געביט פֿון ייִדיש: נח באַרעראַ וועט ווערן דער עקזעקוטיוו־דירעקטאָר פֿון דער אָרגאַניזאַציע און ד׳׳ר מרים טרין וועט דינען ווי די רעדאַקטאָרין פֿון „אויפֿן שוועל‟.

נח באַרעראַ האָט במשך פֿון די לעצטע פֿיר יאָר געלערנט ייִדיש־קלאַסן בײַ דער ייִוואָ־זומער־פּראָגראַם א״נ אוריאל ווײַנרײַך און בײַם אַרבעטער־רינג, וווּ ער קאָאָרדינירט די שפּראַכקורסן. ער איז אויך אַ שרײַבער (זײַנע אַרטיקלען און דערציילונגען זענען שוין דערשינען אינעם „פֿאָרווערטס‟) און אַן איבערזעצער פֿון ייִדיש אויף ענגליש. עס וועט באַלד אַרויס אין זײַן ענגלישער איבערזעצונג אַבֿרהם רעכטמאַנס בוך „ייִדישע עטנאָגראַפֿיע און פֿאָלקלאָר: זכרונות פֿון דער עטנאָגראַפֿישער עקספּעדיציע אָנגעפֿירט פֿון ש. אַנ־סקי‟.

ד׳׳ר מרים טרין איז אַ באַקאַנטע ייִדיש־לערערין און פֿאָרשערין פֿון דער ייִדישער ליטעראַטור און אַ מומחה אין דער געשיכטע פֿון דער פּאָעזיע, וואָס ייִדן האָבן געשאַפֿן אין די געטאָס און לאַגערן. אַחוץ אירע אַקאַדעמישע טעטיקייטן פֿירט זי אָן מיט אַ צאָל ליטעראַרישע פּראָיעקטן און האָט רעדאַקטירט אַ צאָל אויסגאַבעס אויף מאַמע־לשון, אַרײַנגערעכנט עטלעכע קינדערביכלעך וואָס זי האָט איבערגעזעצט פֿון דײַטשיש. צוזאַמען מיט איר מאַן אליעזר ניבאָרסקי פֿירט זי אָן מיט דער ישׂראלדיקער ייִדיש־אָרגאַניזאַציע „יאָ‟, וואָס גיט ייִדיש־קלאַסן און האַלט אין אָרגאַניזירן אַ ייִדיש־סוף־וואָך.

די „ייִדיש־ליגע‟ איז געגרינדעט געוואָרן אין 1979 דורך ד׳׳ר מרדכי שעכטער. איר אָרגאַן, „אויפֿן שוועל‟, האָט זי געירשנט פֿון איר פֿאָרגייערין, די טעריטאָריאַליסטישע אָרגאַניזאַציע, „פֿרײַלאַנד־ליגע‟. צווישן אַנדערע טעטיקייטן אָרגאַניזירט די „ייִדיש־ליגע‟ טאָג־לאַנגע סעמינאַרן אויף ייִדיש געווידמעט פֿאַרשידענע אַספּעקטן פֿון דער ייִדישער שפּראַך און קולטור און פֿירט אָן מיטן נײַעם דיגיטאַלישן נוסח פֿונעם ענגליש־ייִדישן ווערטערבוך. זי שאַפֿט אויך לערנביכער, פֿילמען און אַלבאָמען פֿון ייִדישע לידער.

Your Comments

The Forward welcomes reader comments in order to promote thoughtful discussion on issues of importance to the Jewish community. All readers can browse the comments, and all Forward subscribers can add to the conversation. In the interest of maintaining a civil forum, The Forward requires that all commenters be appropriately respectful toward our writers, other commenters and the subjects of the articles. Vigorous debate and reasoned critique are welcome; name-calling and personal invective are not and will be deleted. Egregious commenters or repeat offenders will be banned from commenting. While we generally do not seek to edit or actively moderate comments, our spam filter prevents most links and certain key words from being posted and the Forward reserves the right to remove comments for any reason.

Recommend this article

„ייִדיש־ליגע‟ באַשטימט נײַעם דירעקטאָר און נײַעם שעף־רעדאַקטאָר

Thank you!

This article has been sent!

Close