Library of Congress by the Forward

אַמעריקאַנער מלוכישע ביבליאָטעק זוכט ייִדיש־רעדנדיקן סטודענט

Library of Congress Seeking Yiddish-Speaking Student

די אַמעריקאַנער מלוכישע ביבליאָטעק אין וואַשינגטאָן, באַקאַנט ווי די „קאָנגרעס־ביבליאָטעק‟, איז די סאַמע גרעסטע ביבליאָטעק אויף דער וועלט. צווישן די 38 מיליאָן ביכער און 70 מיליאָן מאַנוסקריפּטן און אומצאָליקע בילדער, מאַפּעס, רעקאָרדירונגען און בריוו וואָס די ביבליאָטעק פֿאַרמאָגט (בסך־הכּל 167 מיליאָן חפֿצים), געפֿינט מען זייער אַ סך מאַטעריאַלן פֿאַרבונדן מיט ייִדן, אַרײַנגערעכנט 200,000 בענד אויף ייִדיש, העברעיִש, דזשודעזמע און אַזוי ווײַטער. צווישן די ביכער אויף מאַמע־לשון בלײַבן 2,600 וועלכע זענען נאָך ניט קאַטאַלאָגירט.

כּדי צו באַקענען אוניווערסיטעט־סטודענטן מיט דער אַרבעט פֿון דער ביבליאָטעק, פֿאַרבעט מען יעדעס יאָר אַרום 35 סטודענטן צו אַרבעטן אויף פּראָיעקטן במשך פֿונעם זומער. קומענדיקס יאָר וועט איינער פֿון די פּראָיעקטן זײַן צו קאַטאַלאָגירן די איבעריקע ייִדישע ביכער. מע זוכט דערפֿאַר אַן אוניווערסיטעט־סטודענט אָדער איינעם וואָס וועט האָבן ערשט געהאַט פֿאַרענדיקט אַ ביז־גראַדויִר־ צי גראַדויִר־פּראָגראַם, וועלכער קען גוט ייִדיש, צו קומען אויף 10 וואָכן (סוף־מײַ ביז סוף־יולי) כּדי צו קאַטאַלאָגיזירן די ייִדישע ביכער. דער סטיפּענדיאַט וועט באַקומען אַ געהאַלט פֿון 450$ אַ וואָך און ווערן אויסגעשולט דורך די אָרטיקע ביבליאָטעקאַרן.

אַפּליקאַציעס ווערן אָנגענומען ביזן 20סטן דעצעמבער, 2019. קאַנדידאַטן מוזן אַרײַנשיקן אַ קוריקולום־וויטע; אַ בריוו וואָס גיט איבער דעם קאַנדידאַטס קוואַליפֿיקאַציעס און די סיבות פֿאַר וואָס ער אָדער זי וויל אַרבעטן ווי אַ טייל פֿון דער פּראָגראַם; צוויי רעקאָמענדיר־בריוו און אַקאַדעמישע טראַנסקריפּטן.

Your Comments

The Forward welcomes reader comments in order to promote thoughtful discussion on issues of importance to the Jewish community. All readers can browse the comments, and all Forward subscribers can add to the conversation. In the interest of maintaining a civil forum, The Forward requires that all commenters be appropriately respectful toward our writers, other commenters and the subjects of the articles. Vigorous debate and reasoned critique are welcome; name-calling and personal invective are not and will be deleted. Egregious commenters or repeat offenders will be banned from commenting. While we generally do not seek to edit or actively moderate comments, our spam filter prevents most links and certain key words from being posted and the Forward reserves the right to remove comments for any reason.

Recommend this article

אַמעריקאַנער מלוכישע ביבליאָטעק זוכט ייִדיש־רעדנדיקן סטודענט

Thank you!

This article has been sent!

Close