אוצרות פֿון דער ייִדישער ליטעראַטור וועלן געדרוקט ווערן אין פֿאָרווערטסTreasures of Yiddish Literature to be Published in the Forverts
די ערשטע דרײַ דערציילונגען וועלן זײַן פֿון שלום־עליכם, צבֿי אײַזנמאַן און יצחק באַשעוויס־זינגער.
Image by Getty Images
במשך פֿון די יאָרן זענען אויף דער וועבזײַט פֿונעם פֿאָרווערטס דערשינען כּלערליי אוצרות פֿון דער ייִדישער ליטעראַטור, אַרײַנגערעכנט סײַ באַרימטע דערציילונגען פֿון שלום־עליכם און י. ל. פּרץ, סײַ ווייניקער באַקאַנטע שרײַבער ווי צבֿי אײַזנמאַן ז׳׳ל, וואָס האָבן נאָך אַלץ געשריבן אין די 2010ער יאָרן.
צוליב דעם וואָס דער פֿאָרווערטס איז אַריבער אויף אַ נײַער וועבזײַט און די אַלטע וועבזײַט ווערט מער ניט דערהײַנטיקט, איז עס אָפֿט שווער די פֿאָרווערטס־לייענער צו געפֿינען די דאָזיקע מײַסטערווערק פֿון דער ייִדישער ליטעראַטור, וואָס דער פֿאָרווערטס האָט אָפּגעדרוקט במשך פֿון די יאָרן 2007 ביז 2017.
לעצטנס האָבן עטלעכע לייענער געבעטן מע זאָל ווידער אַרויסגעבן די אָ דערציילונגען, כּדי זיי צו מאַכן מער צוטריטלעך. במשך פֿון די קומענדיקע עטלעכע טעג וועלן אויף די „שפּאַלטן‟ (אָדער בעסער געזאָגט: „פּיקסלען‟) פֿון פֿאָרווערטס אַרויסגיין אַ נײַע סעריע „אוצרות פֿון דער ייִדישער ליטעראַטור‟. טייל דערציילונגען וועלן באַגלייט ווערן מיט קלאַנג־רעקאָרדירונגען פֿאָרגעלייענט פֿון אַקטיאָרן, ווי אויך אילוסטראַציעס געשאַפֿן פֿון יהודה בלום. אַזוי ווי תּמיד, קען מען געפֿינען די ענגלישע איבערזעצונג פֿון יעדן וואָרט דורך אַ קוועטש פֿונעם מײַזל.
די ערשטע דערציילונגען וואָס וועלן אַרויסגעשטעלט ווערן זענען פֿון שלום־עליכם, צבֿי אײַזנמאַן, און יצחק באַשעוויס־זינגער. במשך פֿון די קומענדיקע חדשים וועט מען אויך אַרויפֿשטעלן דערציילונגען פֿון יוסף אָפּאַטאָשו, משה נאַדיר, אליעזר שטיינבאַרד, קאַדיע מאָלאָדאָווסקי, דוד בערגעלסאָן, בלומע לעמפּל און אַנדערע.
Hello, fellow Forward reader! I’m Joel Brown, a Forward reader and supporter for more than 15 years, and currently the chair of the board of directors.
I’m an avid Forward reader because it ticks so many of my essential boxes: excellent journalism, Jewish focus and diverse viewpoints. In today’s political climate, what I most appreciate is the Forward’s independence — made possible by the generosity of its membership.
The Forward is committed to bringing you unbiased, nuanced Jewish news. From my position as board chair, I see an exciting future as we expand our position as the definitive independent voice of contemporary American Judaism.
That’s why I’m paying it Forward, by matching $36,000 of reader gifts. It’s an investment in the Forward’s newsroom, to continue telling the American Jewish story with truth and independence.
— Joel Brown, Forward board chair
Support our mission to tell the Jewish story fully and fairly.
