Skip To Content
JEWISH. INDEPENDENT. NONPROFIT.

Support the Forward

Funded by readers like you DonateSubscribe
Yiddish

איצט זענען דאָ צוויי ניו־יאָרקער ייִדיש־פֿעסטיוואַלן אין דעצעמבערThere Are Now Two NYC Yiddish Festivals in December

צווישן די פּראָגראַמען: אַ פּיעסע וואָס שילדערט דאָס אָנגעווייטיקטע לעבן פֿון איציק מאַנגער און קאָנצערטן לזכר פֿײַוויש פֿינקעל און דזשאָסעף פּאַפּ.

„ייִדיש־ניו־יאָרק“ וועט הײַיאָר ניט זײַן דער איינציקער ייִדיש־פֿעסטיוואַל וואָס קומט פֿאָר אין מאַנהעטן סוף־דעצעמבער. דער „ייִדישקייט־איניציאַטיוו“, אַ פֿונדאַציע מיטן אַקטיאָר אַבֿי האָפֿמאַן און דער שרײַבערין מרים האָפֿמאַן בראָש, אָרגאַניזירט אַ פֿעסטיוואַל, וואָס וועט פֿאָרקומען פֿון שבת, דעם 21סטן דעצעמבער, ביז זונטיק, דעם 29סטן דעצעמבער.

דער נײַער פֿעסטיוואַל „ייִדישפֿעסט“,, וועט אַרײַננעמען קאָנצערטן, טעאַטער־פֿאָרשטעלונגען, פֿילם־ווײַזונגען און רעפֿעראַטן.

צווישן די פּראָגראַמען:

שבת, דעם 21סטן דעצעמבער, 7:30 אין אָוונט בײַם „סימפֿאָני־ספּייס“, וועט מען פֿאָרשטעלן אַ קאָנצערט לזכר דעם טעאַטער־אימפּרעסאַריאָ און גרינדער פֿון דער פּאָפּולערער ראַדיאָ־פּראָגראַם געווידמעט קורצע דערציילונגען Selected Shorts — ישעיה שעפֿער. די פּראָגראַם וועט אָפּגעבן כּבֿוד שעפֿערס קינסטלערישע וואָרצלען אינעם ייִדישן טעאַטער. עס וועלן אָנטייל נעמען אין דער פּראָגראַם אַבֿי האָפֿמאַן, לאַני מײַערס און סוזאַנע שעפֿער.

זונטיק, דעם 22סטן דעצעמבער, 3 אַ זייגער נאָך מיטאָג בײַם „צענטער פֿאַר דער ייִדישער געשיכטע“, וועט פֿאָרקומען אַ חנוכּה־קאָנצערט לזכר דעם טעאַטער־אימפּרעסאַריאָ און גרינדער פֿון ”שייקספּיר אינעם פּאַרק“ דזשאָסעף פּאַפּ (פֿון דער היים: יאָסל פּאַפּיראָווסקי). עס וועלן אָנטייל נעמען אַבֿי האָפֿמאַן און רינע באָראָ. אין דער פּראָגראַם וועט מען פֿאָרשטעלן אַ ריי לידער פֿונעם מיוזיקל „לידער פֿון גן־עדן“, וואָס דער ייִדישער טעאַטער אויפֿן נאָמען פֿון דזשאָסעף פּאַפּ האָט פֿאָרגעשטעלט מיט 30 יאָר צוריק. דעם מיוזיקל האָבן אָנגעשריבן מרים האָפֿמאַן און רינע באָראָ אויפֿן סמך פֿון איציק מאַנגערס „חומש־לידער“.

דינסטיק, דעם 24סטן דעצעמבער, 8 אַ זייגער אין אָוונט, וועט אַבֿי האָפֿמאַן פֿאָרשטעלן די פּיעסע „זכרונות פֿון אַ פֿאַרלוירענעם פּאָעט: דאָס לעבן און שאַפֿן פֿון איציק מאַנגער“, בײַם „טעאַטער פֿאַר דער נײַער שטאָט“. די פּיעסע, אָנגעשריבן פֿון מרים האָפֿמאַן, נעמט אַרײַן מוזיק פֿון בנימין שעכטער, און ווערט באַגלייט מיט ענגלישע און שפּאַנישע איבערקעפּלעך.

דאָנערשטיק, דעם 26סטן דעצעמבער, 8 אַ זייגער אין אָוונט בײַם „טעאַטער פֿאַר דער נײַער שטאָט“, וועט מען פֿאָרשטעלן אַ קאָנצערט לזכר דעם זינגער, אַקטיאָר און קאָמיקער פֿײַוויש פֿינקעל. די פּראָגראַם נעמט אַרײַן מוזיק פֿון פֿינקעלס זון עליאָט פֿינקעל און אַקטיאָרן, וואָס זענען במשך פֿון די יאָרן אויפֿגעטראָטן מיט פֿײַוויש פֿינקעל.

פֿרײַטיק, דעם 27סטן דעצעמבער, 2 אַ זייגער נאָכמיטאָג בײַם „טעאַטער פֿאַר דער נײַער שטאָט“, וועט מען צום ערשטן מאָל אין ניו־יאָרק ווײַזן דעם [ייִדיש־שפּראַכיקן קורצן־פֿילם](”שחיטה“](http://yiddish.forward.com/articles/216285/yiddish-short-film-shehita-to-be-screened-in-major/) מיט אַבֿי האָפֿמאַן אין דער הויפּטראָלע.

פֿרײַטיק, דעם 27סטן דעצעמבער, 8 אַ זייגער אין אָוונט בײַם „טעאַטער פֿאַר דער נײַער שטאָט“ וועלן אַבֿי האָפֿמאַן און דער מוזיקער אַהרן קולאַ פֿאָרשטעלן אַ קאָנצערט־פּראָגראַם „ראָמערקע“, וואָס פֿאָלגט נאָך די געשיכטע פֿונעם אַמעריקאַנער ייִדישן טעאַטער פֿון אירע וואָרצלען אין רומעניע ביז זײַנע בלי־יאָרן אויף דער צווייטער עוועניו.

Dive In

    Engage

    Republish This Story

    Please read before republishing

    We’re happy to make this story available to republish for free, unless it originated with JTA, Haaretz or another publication (as indicated on the article) and as long as you follow our guidelines. You must credit the Forward, retain our pixel and preserve our canonical link in Google search.  See our full guidelines for more information, and this guide for detail about canonical URLs.

    To republish, copy the HTML by clicking on the yellow button to the right; it includes our tracking pixel, all paragraph styles and hyperlinks, the author byline and credit to the Forward. It does not include images; to avoid copyright violations, you must add them manually, following our guidelines. Please email us at [email protected], subject line “republish,” with any questions or to let us know what stories you’re picking up.

    We don't support Internet Explorer

    Please use Chrome, Safari, Firefox, or Edge to view this site.