פֿרוי פֿון שפּײַזקראָם־אייגנטימער און יונגער אַקטיוויסט זענען צווישן דזשערזי־סיטי קרבנותWife Of Kosher Grocery Store Owner and Young Activist Were Jersey City Victims
לאה מינדל פֿערענץ און משה הערש דויטש זענען געווען אַקטיווע טוער אין די חסידישע קרײַזן.
A shot out car sits parked outside of a kosher supermarket in Jersey City, New Jersey. Image by Ari Feldman
די נעמען פֿון צוויי פֿון די פֿינעף מענטשן וואָס זענען נעכטן דערהרגעט געוואָרן אינעם מוראדיקן שיסערײַ אינעם כּשרן שפּײַזקראָם אין דזשערזי־סיטי זענען שוין אַרויסגעלאָזט געוואָרן.
לאה מינדל פֿערענץ, די 33־יאָריקע פֿרוי פֿונעם אייגנטימער פֿונעם „דזשיי סי כּשרן סופּערמאַרקעט‟, האָט געאַרבעט אין געשעפֿט ווען זי איז דערשאָסן געוואָרן. זי האָט פֿאַראָבֿלט איר מאַן מיט דרײַ קינדער, לויט קוואַלן פֿון חב״ד.
זי איז געווען אַ „פּיאָנער‟ אין דזשערזי סיטי, האָט מיטוואָך באַמערקט הרבֿ דוד נידערמאַן, דירעקטאָר פֿון די „פֿאַראייניקטע ייִדישע אָרגאַניזאַציעס אין וויליאַמסבורג‟ בעת אַ פּרעסע־קאָנפֿערענץ. „ זי און איר מאַן זענען געווען צווישן די ערשטע זיך צו באַזעצן אין דזשערזי סיטי, ווי אַ סך משפּחות וואָס קענען נישט אויספֿירן אַ היים פֿאַר זייער וואַקסנדיקער משפּחה און האָבן געקלערט: ׳לאָמיר זיך איבערציִען אויף אַן אָרט וואָס איז ביליקער און איך וועל עס טאָן ווי אַ בײַשפּיל פֿאַר אַנדערע. כ׳וועל עפֿענען אַ שפּײַזקראָם כּדי משפּחות זאָלן קענען קויפֿן וואָס זיי דאַרפֿן דאָרט, און דערבײַ פֿאַרגרעסערן דעם ייִשובֿ, און פֿאַרגרינגערן די שוועריקייטן בײַ אַזוי פֿיל משפּחות וואָס לעבן אין שרעקלעך אָרעמע באַדינגונגען.‟
משה הערש דויטש ז׳׳ל
דער צווייטער קרבן פֿונעם שיסערײַ איז געווען משה הערש דויטש, 24 יאָר, דער זון פֿון אַן עסקן אין דער ברולינער סאַטמערער קהילה, לויט חסידישע נײַעס־קוואַלן. אַנדערע מקורים האָבן געזאָגט אַז ער איז געווען אַ שוועסטערקינד פֿון פֿרוי פֿערענץ.
דויטש איז געווען אַן אַקטיוויסט בײַם אָרגאַניזירן אַ גרויסע שפּײַז־קאַמפּאַניע וואָס באַזאָרגט 2,000 משפּחות מיט עסן, האָט נידערמאַן געזאָגט.
דעם נאָמען פֿון אַ דריטן קרבן האָט מען נאָך נישט אַרויסגעלאָזט. ער איז געווען אַן אַרבעטער אין דער שפּײַזקראָם און נישט קיין ייִד.
בײַ נידערמאַנען זענען געשטאַנען טרערן אין די אויגן ווען ער האָט דערציילט וועגן די „עטלעכע הונדערט קוילן‟ וואָס האָבן דערהרגעט דויטש. „ווי קענען מיר, ווי אַ קהילה, הערן אַזאַ זאַך?‟ האָט ער געזאָגט. דער ישׂראלדיקער פּרעמיער בנימין נתניהו האָט דורך טוויטער איבערגעגעבן טרייסטווערטער פֿאַר די צוויי קרבנות.
It’s our birthday and we’re still celebrating!
We hope you appreciated this article. Before you go, we’d like to ask you to please support the Forward’s independent Jewish news.
This week we celebrate 129 years of the Forward. We’re proud of our origins as a Yiddish print publication serving Jewish immigrants. And we’re just as proud of what we’ve become today: A trusted source of Jewish news and opinion, available digitally to anyone in the world without paywalls or subscriptions.
We’ve helped five generations of American Jews make sense of the news and the world around them — and we aren’t slowing down any time soon.
As a nonprofit newsroom, reader donations make it possible for us to do this work. Support independent, agenda-free Jewish journalism and our board will match your gift in honor of our birthday!
Support our mission to tell the Jewish story fully and fairly.
