מע זוכט מענטשן צו ענטפֿערן אויף פֿראַגעס פֿאַר „פֿעמילי פֿיוד“ אויף ייִדישSeeking people to answer fun questions for Family Feud in Yiddish
די ענטפֿערס וועלן געניצט ווערן ווען מע פֿירט דורך די שפּיל דורך „זום“ דעם זונטיק.
Image by Yugntruf Youth for Yiddish
יעדעס יאָר אויף דער „ייִדיש־וואָך“ פֿירט שׂרה־רחל שעכטער אָן מיט אַ ייִדישן נוסח פֿונעם פּאָפּולערן טעלעוויזיע־שפּיל, Family Feud. אינעם שפּיל, וואָס מע רופֿט אויף ייִדיש „וואָס זאָגט עמך?“, דאַרפֿן די צוויי מאַנשאַפֿטן פּרוּוון טרעפֿן די פּאָפּולערסטע ענטפֿערס פֿון כּלערליי פֿראַגעס וואָס מע האָט פֿריִער געהאַט געשטעלט דעם גאַנצן עולם, ווי למשל: „וואָס איז אַ שפּײַז וואָס מענטשן עסן אויף פֿרישטיק?“
הײַיאָר וועט „וואָס זאָגט עמך?“ ווערן דורכגעפֿירט דורך „זום“ דעם זונטיק, דעם 23סטן אויגוסט, איינס אַ זייגער ניו־יאָרקער צײַט. דאָס שפּיל איז אַ טייל פֿון ”ייִדיש וואָך – אַלע וואָך“ — אַ פּראָגראַם פֿון אַקטיוויטעטן אויף ייִדיש אויף פֿאַרשידענע טעמעס, פֿאַר גרויס און קליין, וואָס קומט פֿאָר במשך פֿונעם גאַנצן זומער.
כּדי „וואָס זאָגט עמך?“ זאָל מצליח זײַן, דאַרף מען אָבער צו ערשט מאַכן אַ סטאַטיסטיק פֿון די פּאָפּולערסטע ענטפֿערס אויף יעדער פֿראַגע. דעריבער ווענדן זיך די שפּיל־אָרגאַניזירער צו די פֿאָרווערטס־לייענער אַז זיי זאָלן זיך אויך באַטייליקן אין דער אַנקעטע, אַפֿילו אויב זיי וועלן זיך נישט באַטייליקן אינעם שפּיל גופֿא. די פֿראַגעס פֿיגורירן סײַ מיט ייִדישע אותיות, סײַ מיט לאַטײַנישע. דער טערמין צו ענטפֿערן אויף די פֿראַגעס איז דער 22סטער אויגוסט, נײַן אַ זייגער אין אָוונט. די אַנקעטע דאַרף נישט דויערן מער ווי 15 מינוט צײַט.
די וואָס ווילן זיך באַטייליקן אין דער אַנקעטע זאָלן געבן אַ קוועטש דאָ.
צווישן די הײַיאָריקע פֿראַגעס וועט איר געפֿינען די ווײַטערדיקע:
„שרײַבט אָן אַ זאַך וואָס אַ סך מענטשן קויפֿן אין אַן אײַזנקראָם“
„שרײַבט אָן אַן אבֿר וואָס טוט אָפֿט וויי“
„שרײַבט אָן אַ ייִדיש וואָרט/אויסדרוק וואָס מענטשן דערמאָנען ווען זיי הערן אַז דו קענסט ייִדיש“
„שרײַבט אָן עפּעס וואָס אַ הונט מעג טאָן, אָבער אַ מענטש — נישט“
A message from our Publisher & CEO Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
