ווידעאָ: די „קלעזמאַטיקס“ זינגען דאָס פּאָפּולערע ליד, „קינדער, מיר האָבן שׂימחת־תּורה“WATCH: The Klezmatics perform the popular song, “Children, it’s Simchas Torah!’’
אַז מע הערט דעם לוסטיקן נוסח פֿון מאַרק וואַרשאַווסקיס ליד, גלוסט זיך צו גיין טאַנצן.
Graphic by Angelie Zaslavsky
להיפּוך צו פּורים, דעם צווייטן יום־טובֿ ווען ס׳איז אַ מיצווה צו טרינקען משקה, זענען ניטאָ קיין סך ייִדישע לידער וועגן שׂימחת־תּורה.
דאָס באַקאַנטסטע ליד וועגן דעם יום־טובֿ איז, אַזוי ווי אַ סך ייִדישע לידער, לכתּחילה אָנגעשריבן געוואָרן דורך אַ פּאָעט און דאָס פֿאָלק האָט שפּעטער צוגעגעבן נײַע סטראָפֿעס. דאָ גייט די רייד וועגן מאַרק וואַרשאַווסקיס „קינדער, מיר האָבן שׂימחת־תּורה“. אין מיזרח־אייראָפּע איז דאָס ליד געווען פּאָפּולער סײַ אין די וועלטלעכע ייִדישע שולן, סײַ בײַם פֿרומען עולם. אַפֿילו הײַנט הערט מען אַמאָל די מוזיק פֿונעם רעפֿרען אַרײַנגעוועבט אין נײַערע קאָמפּאָזיציעס וואָס קומען אַרויס אין די חסידישע קרײַזן.
מײַן באַליבטסטער נוסח פֿונעם ליד, און די ווערסיע וואָס איז מסתּמא צום מערסטן באַקאַנט די פֿאָרווערטס־לייענער, איז די רעקאָרדירונג פֿון די „קלעזמאַטיקס“. לכתּחילה אַרויס אין 1994 ווי אַ טייל פֿונעם אַלבאָם Jews with Horns „ייִדן מיט הערנער“, זינגט עס די קאַפּעליע אויף אַזאַ אופֿן וואָס אַז מע הערט זי, גלוסט זיך צום טאַנצן.
איין טשיקאַווער פּרט פֿונעם ליד, איז דאָס וואָס די ערשטע סטראָפֿעס און רעפֿרען זענען געצילעוועט אויף קינדער, בשעת די שפּעטערע שורות רעדן מערסטנס וועגן טרינקען משקה. הייסט עס, אַז ס׳איז אַ ליד פֿאַר “קינדער” פֿון יעדן עלטער!
Did you know that only 2% of Forward readers donate to support our nonprofit newsroom? That 2% make it possible for millions to read the Forward without a paywall or subscription — removing any barriers to the full and fair Jewish story.
But while the Forward is free to read, it isn’t free to produce. Big stories — like deep dives into the antisemitism data, political scoops or reporting trips to college campuses — take months of research and fact-checking. All while we keep you informed of what you need to know each day.
— Rachel Fishman Feddersen, Forward Publisher & CEO
Support our mission to tell the Jewish story fully and fairly.
