ווידעאָ: אַ נײַ ייִדיש ליד וואָס דערמאָנט אין דזשאָני מיטשעלWATCH: A new Yiddish song recalls Joni Mitchell’s music
עדה העטקאָס „און גאָט האָט אַ נײַע נײמאַשין“ שילדערט דעם ווידערוווּקס פֿון די בלומען פֿרילינג־צײַט דורך אַן אומדערוואַרטן מעטאַפֿאָר.
Graphic by Angelie Zaslavsky
די זינגערין עדה העטקאָ האָט לעצטנס אַרויסגעלאָזט אַ ווידעאָ אין וועלכן זי זינגט איר נײַ ליד, „און גאָט האָט אַ נײַע ניימאַשין“. זי ווערט באַגלייט פֿונעם פּיאַנע־שפּילער, אורי שרעטער.
הערנדיק די שיינע מוזיק און שוועבנדיקע האַרמאָניעס וואָלט אַ צופֿעליקער צוהערער גרינג געקענט מיינען, אַז דאָס ליד איז אַרויס אין די סוף 1960ער יאָרן. העטקאָס צוגאַנג דערמאָנט גיכער אין דער פֿאָלק־ראָק־זינגערין, דזשאָני מיטשעל, איידער אין דער טראַדיציאָנעלער ייִדישער פֿאָלקסזינגערין, רות רובין אָבער קיין חסרון איז דאָס ניט. פֿאַרקערט. העטקאָ קען אויך פּרעכטיק זינגען אינעם סטיל פֿון די אַמאָליקע מיזרח־אייראָפּעיִשע ייִדישע פֿאָלקזינגער אָבער זי וויל ניט, אַז דאָס ייִדישע געזאַנג זאָל בלײַבן שטיין אויף אַן אָרט; עס דאַרף זיך אויך צופּאַסן צו די נײַע צײַטן.
בעת אַ פֿאָרווערטס־זומינאַר מיט העטקאָ און דרײַ אַנדערע יונגע ייִדישע זינגערינס אין באָסטאָן, האָט העטקאָ גערעדט וועגן איר ליבשאַפֿט צו דער נאַטור און ווי זי דריקט דאָס אויס דורך אירע לידער. אין דעם איצטיקן ליד באַנוצט זי זיך מיט אַן אומדערוואַרטן מעטאַפֿאָר — די ניימאַשין, אַ חפֿץ וואָס איז גיכער אַסאָציִיִרט מיט פֿאַבריקן איידער וועלדער. דאָ פֿיגורירט די ניימאַשין ווי אַ סימבאָל פֿון דער נאַטור און פֿונעם ווידערוווּקס פֿון די בלומען פֿרילינג־צײַט.
די נאַטור איז אויך געווען אַ באַליבטע טעמע בײַם פּאָעט, אַבֿרהם סוצקעווער, ווי מע זעט אין זײַן ליד, „וואַלדיקס“, וואָס העטקאָ האָט פֿאַראַיאָרן געשאַפֿן מוזיק דערפֿאַר און רעקאָרדירט, צוזאַמען מיט אַן ענגלישער איבערזעצונג.
Did you know that only 2% of Forward readers donate to support our nonprofit newsroom? That 2% make it possible for millions to read the Forward without a paywall or subscription — removing any barriers to the full and fair Jewish story.
But while the Forward is free to read, it isn’t free to produce. Big stories — like deep dives into the antisemitism data, political scoops or reporting trips to college campuses — take months of research and fact-checking. All while we keep you informed of what you need to know each day.
— Rachel Fishman Feddersen, Forward Publisher & CEO
Support our mission to tell the Jewish story fully and fairly.
