„נוסח ווילנע‟ הזכּרה: די כּמעט־פֿאַרגעסענע געטאָ־קעמפֿערינסNusakh Vilna Memorial: The nearly forgotten women resistance fighters
Graphic by Angelie Zaslavsky
זונטיק, דעם 19טן סעפּטעמבער, פֿון 1:00 ביז 2:30 נאָך מיטאָג, וועט אָנלײַן פֿאָרקומען די יערלעכע הזכּרה־פֿאַרזאַמלונג פֿון „נוסח ווילנע‟, אַן אָרגאַניזאַציע פֿון ייִדן געבוירענע און אָפּשטאַמיקע פֿון דער שטאָט ווילנע — דער אַמאָליקער צענטער פֿון ייִדישער קולטור, און דאָס אָרט וווּ מע האָט פֿאַרלייגט דער ייִוואָ.
אין דער יערלעכער אונטערנעמונג מערקט מען אָפּ דעם אָנדענק פֿון דער שטאָט דורך פּאָעזיע און מוזיק. יאָרן לאַנג, ווען ס׳רובֿ פֿונעם עולם איז באַשטאַנען פֿון ווילנע־געבוירענע האָט מען געפֿירט די געטאָ־אַקאַדעמיע אויף ייִדיש אָבער במשך פֿון די לעצטע יאָרן קומט עס פֿאָר מערסטנס אויף ענגליש, כּדי יענע קינדער און אייניקלעך פֿון ווילנער ייִדן, וועלכע קענען נישט קיין ייִדיש, זאָלן אויך קענען געניסן פֿון דער פּראָגראַם.
הײַיאָר וועט מען אָפּמערקן דעם אָנדענק פֿון דער פּאַרטיזאַנערקע און ייִדישער קולטור־טוערין חיהלע פּאַלעווסקי, וואָס איז אַוועק פֿון דער וועלט דעם 20סטן סעפּטעמבער 2020. מע וועט אויך דערציילן וועגן די ווייניק באַקאַנטע געטאָ־קעמפֿערינס אין אַלגעמיין, און אויך וועגן אַנדערע פּרטים אין שײַכות מיט ווילנעס ייִדישער און פּאָליטישער קולטור.
חיהלעס זון, עליע פּאַלעווסקי, וועט פֿירן דעם פֿאָרזיץ פֿון דער דיסקוסיע, אין וועלכער ס׳וועט זיך באַטייליקן דער אַקאַדעמישער עצה־געבער פֿון ייִוואָ, עדי פּאָרטנוי; דזשודי באַטאַליאָן, די מחברטע פֿונעם בוך, „די ליכט פֿון די טעג: די נישט־דערציילטע מעשׂה פֿון קעמפֿערינס אין היטלערס געטאָס‟, און די ייִדישע קולטור־טוערין אין מאָנטרעאָל, רבֿקה אויגנפֿעלד.
די פּראָגראַם איז פֿרײַ פֿון אָפּצאָל אָבער מע דאַרף זיך פֿאַרשרײַבן פֿון פֿריִער, דורכן געבן אַ קוועטש דאָ.
This is a moment of great uncertainty. Here’s what you can do about it.
We hope you appreciated this article. Before you go, we’d like to ask you to please support the Forward’s independent Jewish news. All donations are still being matched by the Forward Board - up to $100,000 until April 24.
This is a moment of great uncertainty for the news media, for the Jewish people, and for our sacred democracy. It is a time of confusion and declining trust in public institutions. An era in which we need humans to report facts, conduct investigations that hold power to account, tell stories that matter and share honest discourse on all that divides us.
With no paywall or subscriptions, the Forward is entirely supported by readers like you. Every dollar you give is invested in the future of the Forward — and telling the American Jewish story fully and fairly.
The Forward doesn’t rely on funding from institutions like governments or your local Jewish federation. There are thousands of readers like you who give us $18 or $36 or $100 each month or year.
Support our mission to tell the Jewish story fully and fairly.
