צווישן די ייִדיש־קורסן אָנלײַן בײַם אַרבעטער־רינג — אַ קלאַס פֿאַר קינדער אויךWorkers Circle’s online Yiddish classes include one for kids, too
„קינדערקלוב ייִדיש‟ איז אַן אינטעראַקטיווער ייִדיש־קלאַס פֿאַר קינדער צווישן 8 און 12 יאָר אַלט
Image by Pixabay
אין דער רשימה הײַיאָריקע ייִדיש־קורסן בײַם אַרבעטער רינג געפֿינט זיך אויך אַ ייִדיש־קלאַס פֿאַר קינדער צווישן 8 און 12 יאָר אַלט.
דער קורס, וואָס הייסט „קינדערקלוב ייִדיש‟, איז אַ 10־וואָכיקע פּראָגראַם וואָס ניצט אינטעראַקטיווע אָנלײַן־מכשירים ווי „גוגל סלײַדס‟, „פֿליפּגריד‟ און „נירפּאָד‟ צו לערנען די קינדער ייִדיש דורך מוזיק, פֿיזישע באַוועגונגען און קונסט־פּראָיעקטן. כּדי צו פֿאַרשרײַבן אײַערע קינדער אָדער אייניקלעך, גיט אַ קוועטשט דאָ.
פֿאַר דערוואַקסענע איז, ווי געוויינטלעך, דאָ אַ גרויסער אויסקלײַב פֿון ייִדיש־קורסן אויף פֿאַרשידענע ניוואָען ווי, למשל, אַ טייל אָנהייבער־קלאַסן וווּ מע לערנט זיך דעם אַלף־בית און אַנדערע וווּ מע קען פֿאַרבעסערן די שמועס־פֿעיִקייטן; מיטעלע קלאַסן אויף פֿאַרשידענע מדרגות; און קורסן פֿאַר ווײַטהאַלטער, געפֿירט אויף ייִדיש, לויט פֿאַרשידענע טעמעס: וועגן דעם זשורנאַל, „סאָוועטיש היימלאַנד‟; וועגן די הײַנטיקע חסידישע פּובליקאַציעס; וועגן דער אַמאָליקער לינקער צײַטונג, „פֿרײַהייט‟; וועגן די שרײַבער, י. י. טרונק („דער שרײַבער וואָס די קריטיקער האָבן פּשוט נישט פֿאַרשטאַנען‟) און יוסף אָפּאַטאָשו, וועגן ייִדישע פּאָעטעסעס; וועגן שלום־עליכמס העלד, מנחם־מענדל, און נאָך.
כּדי זיך צו פֿאַרשרײַבן אויף אַ קורס בײַם אַרבעטער רינג, גיט אַ קוועטש דאָ
A message from our CEO & publisher Rachel Fishman Feddersen
I hope you appreciated this article. Before you move on, I wanted to ask you to support the Forward’s award-winning journalism during our High Holiday Monthly Donor Drive.
If you’ve turned to the Forward in the past 12 months to better understand the world around you, we hope you will support us with a gift now. Your support has a direct impact, giving us the resources we need to report from Israel and around the U.S., across college campuses, and wherever there is news of importance to American Jews.
Make a monthly or one-time gift and support Jewish journalism throughout 5785. The first six months of your monthly gift will be matched for twice the investment in independent Jewish journalism.
— Rukhl Schaechter, Yiddish Editor
