ייִדיש־קאָכפּראָגראַם לכּבֿוד שבֿועות אויף „זום“, מיט איוו יאָכנאָוויץYiddish cooking show for Shavuos with Eve Jochnowitz to be livestreamed
די קיכפֿאָרשערין וועט ווײַזן ווי מע מאַכט יאָגורט־ביסקוויטן און אַ פֿאַסאָליע־זופּ .
מאָנטיק, דעם 25סטן מײַ, 5 אַ זייגער נאָך מיטאָג ניו־יאָרקער צײַט, וועט די באַקאַנטע קעכין און קיכפֿאָרשערין, איוו יאָכנאָוויץ, אָנפֿירן מיט אַ קאָכפּראָגראַם, „נחמה־פּאָטראַוועס אין קאַראַנטין־צײַט“, וואָס מע וועט טראַנסמיטירן אויף דער פֿאָרווערטס פֿייסבוק־זײַט דורך זום.
יאָכנאָוויץ, אַ פֿאָרשערין פֿון דער ייִדישער קולינאַרער געשיכטע וואָס איז באַקאַנט די פֿאָרווערטס־לייענער ווי די מיט־אָנפֿירערקע, אין איינעם מיט דער פֿאָרווערטס־רעדאַקטאָרין, שׂרה־רחל שעכטער, פֿון דער קאָכפּראָגראַם „עסט געזונטערהייט“, וועט צוגרייטן ביסקוויטן געמאַכט פֿון יאָגורט, און פֿאַסאָלאַדאַ, אַ גריכישע זופּ געמאַכט פֿון פֿאַסאָליעס.
כּדי צו זען די פּראָגראַם מאָנטיק, אָדער אים קוקן נאָך דעם וואָס ער ווערט טראַנסמיטירט, גיט אַ קוועטש דאָ.