Skip To Content
Get Our Newsletter
JEWISH. INDEPENDENT. NONPROFIT.

Support the Forward

Funded by readers like you DonateSubscribe

אָנלײַן־סעמינאַרן אויף ייִדיש מיט באַרימטע מומחיםOnline seminars in Yiddish with prominent literary scholars 

די סעמינאַרן וועלן באַהאַנלדען די ווערק פֿון אײַזיק מאיר דיק, ישׂראל ראַבאָן, י.י. שוואַרץ און ייִדישע שרײַבערינס.  

דער פּאַריזער ייִדיש־צענטער — מעדעם ביבליאָטעק לאַנצירט אַ סעריע אָנלײַן־סעמינאַרן אויף ייִדיש וועגן דער ייִדישער ליטעראַטור מיט באַרימטע געלערנטע פֿון אַמעריקע, פֿראַנקרײַך און ענגלאַנד. 

די פֿיר מיני־קורסן, דער דריטער זמן קורסן אַזעלכע אין דער פּראָגראַם „יאָ מיט אַלעמען“, וועלן זיך אַלע טרעפֿן פֿיר מאָל אויף אַנדערהאַלבן שעה, דאָס הייסט, זעקס שעה אין גאַנצן. עס וועלן אָנפֿירן מיט די סעמינאַרן ד׳׳ר דוד־הירש ראָסקעס (ניו־יאָרק/ירושלים), ד׳׳ר יצחק ניבאָרסקי (פּאַריז), ד׳׳ר שבֿע צוקער (ניו־יאָרק) און ד׳׳ר חיהלע ביר (לאָנדאָן). די קורסן, וואָס וועלן פֿאָרקומען פֿונעם 9טן יוני ביזן 6טן יולי, וועלן דעקן די ווײַטערדיקע טעמעס:

 „דער ערשטער אַמעריקאַנער־ייִדישער עפּאָס: לאַנד, מענטש און מיטאָס אין ׳נײַערד׳ פֿון י. י. שוואַרץ“ — ד׳׳ר דוד־הירש ראָסקעס. אינעם קלאַס, וואָס וועט פֿאָרקומען יעדן דינסטיק, 6 אַ זייגער אין אָוונט פּאַריזער צײַט (12 אַ זייגער נאָכמיטאָג ניו־יאָרקער צײַט), וועט מען אַרומרעדן דעם ערשטן טייל פֿון י. י. שוואַרצס עפּישער פּאָעמע „קענטאָקי“, אין וועלכער דער פּאָעט שילדערט די דרומדיקע שטאַטן פֿון אַמעריקע ווי אַ נײַער ציון.

דעם קורס, „׳די לייענערין האָט געוואַרט אויף אים׳ — אײַזיק מאיר דיק און זײַנע דערציילונגען“ ,וועט לערנען ד׳׳ר יצחק ניבאָרסקי. אינעם סעמינאַר, וואָס וועט פֿאָרקומען יעדן דאָנערשטיק 7 אַ זייגער אין אָוונט פּאַריזער צײַט (1 אַ זייגער נאָכמיטאָג ניו־יאָרקער צײַט), וועט מען אַרומרעדן די ווערק פֿונעם שרײַבער אײַזיק מאיר דיק, דער ערשטער שרײַבער אויף ייִדיש אינעם 19סטן יאָרהונדערט, וואָס האָט געהאַט אַ גרויסע לייענערשאַפֿט. מע וועט לייענען דעם ראָמאַן „רב שמעיה אַליטער, דער גוט יום־טובֿ־ביטער“ און דיסקוטירן דיקס באַנוץ פֿון הומאָר און פֿאַר וואָס דער ראָמאַן איז אינטערעסאַנט פֿון אַן עטנאָגראַפֿישן שטאַנדפּונקט.

„צווישן צוויי וועלטן: די פֿרוי אין דער ייִדישער ליטעראַטור“ מיט ד׳׳ר שבֿע צוקער. אינעם סעמינאַר, וואָס וועט פֿאָרקומען יעדן זונטיק, פֿונעם 14טן יוני ביזן 5טן יולי, 7 אַ זייגער אין אָוונט פּאַריזער צײַט (1 אַ זייגער נאָכמיטאָג ניו־יאָרקער צײַט), וועט ד׳׳ר צוקער געבן אַן איבערזיכט פֿון דער ייִדישער ליטעראַטור אָנגעשריבן דורך פֿרויען. די טעמעס פֿון אירע פֿיר רעפֿעראַטן וועלן זײַן: „די לײענערין, תּחינות, דער פֿעמינינער אימפּולס צו מעשׂיות“, „אױטאָביאָגראַפֿיע: די זכרונות פֿון הינדע בערגנער און פּועה ראַקאָװסקי“, „דער דורות־ריס: 3 לידער — קאַדיע מאָלאָדאָװסקיס ׳פֿרױען־לידער׳, אַנאַ מאַרגלינס ׳מײַן שטאַם רעדט׳, רחל קאָרנס ׳דורות׳“ און „לידער װעגן מאַמעס און קינדער“.

„ישׂראל ראַבאָנס ׳די גאַס׳“ מיט  ד׳׳ר חיהלע ביר. אינעם סעמינאַר, וואָס וועט פֿאָרקומען יעדן מאָנטיק, 6 אַ זייגער אין אָוונט פּאַריזער צײַט (12 אַ זייגער נאָכמיטאָג ניו־יאָרקער צײַט), וועט ד׳׳ר חילהלע ביר אַרומרעדן דעם אופֿן ווי אַזוי דער שרײַבער ישׂראל ראַבאָן „פֿלעכט צונויף בילדערישקייט, גראָטעסק, אייגנאַרטיקייט און באַרירט עטישע פֿראַגעס“ אין זײַן ראָמאַן ”די גאַס“.

דער שׂכר־לימוד איז 60 אייראָס אַ סעמינאַר. 

נאָך אינפֿאָרמאַציע, גיט אַ קוועטש דאָ

Dive In

    Engage

    • SHARE YOUR FEEDBACK

    • UPCOMING EVENT

    Republish This Story

    Please read before republishing

    We’re happy to make this story available to republish for free under an Attribution-Non Commercial-No Derivatives Creative Commons license as long as you follow our republishing guidelines, which require that you credit Foward and retain our pixel. See our full guidelines for more information.

    To republish, copy the HTML, which includes our tracking pixel, all paragraph styles and hyperlinks, the author byline, and credit to Foward. Have questions? Please email us at help@forward.com.

    We don't support Internet Explorer

    Please use Chrome, Safari, Firefox, or Edge to view this site.