ייִדיש־שפּראַכיקער וואַרשטאַט פֿון שעפֿעריש שרײַבן מיט עטל ניבאָרסקי Yiddish creative writing workshop with Ethel Niborski
אָנטיילנעמער וועלן אַנטוויקלען זייער אייגענע ליטעראַרישע שטים אויף מאַמע־לשון.
Graphic by Angelie Zaslavsky
בײַ אַוואַנסירטע סטודענטן איז דאָס אָנשרײַבן לידער צי דערציילונגען אַ גוטער אופֿן צו פֿאַרבעסערן זייער קענטעניש פֿון אַ שפּראַך. כּדי געהעריק אָנצושרײַבן אַ דערציילונג, אָבער, דאַרף מען קודם גוט באַהערשן די שפּראַך פֿון פֿריִער. מיט ייִדיש איז זעלטן, אַז אַ זומער־פּראָגראַם קען צונויפֿזאַמלען אין איין יאָר גענוג אַוואַנסירטע סטודענטן, וואָס האָבן אויך אַ טאַלאַנט צו שרײַבן, כּדי דורכצופֿירן אַ שרײַבוואַרשטאַט. דערצו, איז די צאָל געניטע ייִדישע שרײַבער וואָס זענען בעלנים אויף צו לערנען די מלאָכה אַ גאָר קליינע.
צוליב דעם וואָס די קלאַסן און וואַרשטאַטן פֿון די זומער־פּראָגראַמען טרעפֿן זיך הײַיאָר דורך „זום“, און די זומער־פּראָגראַמען דערלויבן דעם ברייטן עולם זיך צו פֿאַרשרײַבן אַפֿילו אויף בלויז איין וואַרשטאַט אַנשטאָט דער גאַנצער זומער־פּראָגראַם,, האָט מען אַ זעלטענע געלעגנהייט דורכצופֿירן אַזאַ שרײַבוואַרשטאַט. דעם זומער וועט די וואַרשעווער ייִדישע זומער־פּראָגראַם אַרײַננעמען אַזאַ וואַרשטאַט, אָנגעפֿירט פֿון דער יונגער שרײַבערין, עטל ניבאָרסקי. אינעם וואַרשטאַט, וואָס וועט זיך טרעפֿן בסך־הכּל דרײַ מאָל אויף אַנדערהאַלבן שעה, וועלן די אָנטיילנעמער שרײַבן קורצע דערציילונגען און לידער און אַנטוויקלען זייערע שאַפֿונגען צוזאַמען מיט די אַנדערע סטודענטן. לויט ניבאָרסקיס באַשרײַבונג, וועט מען „עקספּערימענטירן מיט פֿאַרשיידענע ליטעראַרישע אויסדרוק־אופֿנים און פֿירן וואַכע שמועסן וועגן אונדזער שאַפֿונג“ און „קאָרמען גײַסטיק און אינספּירירן איינע די אַנדערע, פֿאַרבעסערנדיק און אַנטוויקלענדיק אונדזער ליטעראַרישע שטים אויף ייִדיש“.
כאָטש זי איז בלויז 18 יאָר אַלט, איז עטל ניבאָרסקי ניט קיין פּנים־חדשות אין דער ייִדישער ליטעראַטור. זי האָט צום ערשטן מאָל געדרוקט אינעם פֿאָרווערטס צו 8 יאָר און מיט פֿיר יאָר שפּעטער האָט זי געוווּנען אַ שרײַבער־קאָנקורס פֿון יוגנטרוף יוגנט פֿאַר ייִדיש. אין די לעצטע יאָרן איז זי פּרעמירט געוואָרן אין צוויי גאָר באַזונדערע שרײַבער־קאָנקורסן — איינער פֿונעם חסידישן זשורנאַל „דער וועקער“ און אַ צווייטער (אויפֿן ערשטן אָרט) פֿון דער „נאַציאָנאַלער אינסטאַנץ פֿאַר ייִדישער קולטור“. זי האָט שוין אַרויסגעגעבן צוויי נאָוועלעס אויף ייִדיש און האָט שטודירט בעלעטריסטיק מיט באַקאַנטע ישׂראלדיקע שרײַבער. פֿאַראַיאָרן האָט זי אָנגעפֿירט מיט אַ שרײַבוואַרשטאַט פֿאַר ייִדיש־שפּראַכיקע בעלעטריסטיק אויפֿן „ייִדישן מאַראַטאָן“ אין גריכנלאַנד.
דער וואַרשטאַט וועט פֿאָרקומען דינסטיק, דעם 30סטן יוני, 1:00 אַ זייגער וואַרשעווער צײַט (7:00 אַ זייגער אין דער פֿרי ניו־יאָרקער צײַט), ווי אויך דינסטיק, דעם 7טן יולי און דינסטיק, דעם 14טן יולי, אין דער זעלביקער צײַט. נאָך אינפֿאָרמאַציע, גיט אַ קוועטש דאָ.
דער פּרײַז איז $45.
This is a moment of great uncertainty. Here’s what you can do about it.
We hope you appreciated this article. Before you go, we’d like to ask you to please support the Forward’s independent Jewish news. All donations are still being matched by the Forward Board - up to $100,000 until April 24.
This is a moment of great uncertainty for the news media, for the Jewish people, and for our sacred democracy. It is a time of confusion and declining trust in public institutions. An era in which we need humans to report facts, conduct investigations that hold power to account, tell stories that matter and share honest discourse on all that divides us.
With no paywall or subscriptions, the Forward is entirely supported by readers like you. Every dollar you give is invested in the future of the Forward — and telling the American Jewish story fully and fairly.
The Forward doesn’t rely on funding from institutions like governments or your local Jewish federation. There are thousands of readers like you who give us $18 or $36 or $100 each month or year.
Support our mission to tell the Jewish story fully and fairly.
