פּרעמיערע: קאָמפּאָזיציעס פֿון קלאַסישער מוזיק אינספּירירט פֿון ייִדישע פֿאָלקסלידערPremiere: Classical music compositions inspired by Yiddish folksongs
צווישן זיי קאָמפּאָזיציעס אויפֿן סמך פֿון „אויפֿן וועג שטייט אַ בוים“, „מײַן ייִנגעלע“, און „פֿרעגט די וועלט אַן אַלטע קשיא“.
Image by Yivo Institute for Jewish Research
פֿאַראַיאָרן יוני האָט אַלעקס ווײַזער, דער דירעקטאָר פֿון עפֿנטלעכע פּראָגראַמען בײַם ייִוואָ, און אַליין אַ פּרעמירטער קאָמפּאָזיטאָר, געבעטן פֿיר אָנגעזעענע קאָמפּאָזיטאָרן צו שאַפֿן מוזיקאַלישע קאָמפּאָזיציעס אויפֿן סמך פֿון ייִדישע פֿאָלקסלידער. די וואָך האָט געזאָלט פֿאָרקומען אַ פּרעמיערע פֿון די פֿיר קאָמפּאָזיציעס, ווי אויך ווײַזערס אַ נײַ ווערק, בעת אַ קאָנצערט בײַם ייִוואָ. צוליב דער קאָראָנאַ־ווירוס־פּאַנדעמיע וועט די פּראָגראַם אָבער זײַן אַ דיגיטאַלישע און מע וועט טראַנסמיטירן ווידעאָס, אין וועלכע די מוזיקער שפּילן זייערע שאַפֿונגען.
די פּראָגראַם, „דאָס אָנגייענדיקע עוואָלוציע: דאָס ייִדישע פֿאָלקסליד אין דער קלאַסישער מוזיק“, וועט טראַנסמיטירט ווערן אויף פֿייסבוק און יוטוב דינסטיק, דעם 30סטן יוני, 4 אַ זייגער נאָך מיטאָג ניו־יאָרקער צײַט. כּדי צו זען די פּראָגראַם, גיט אַ קוועטש דאָ.
אינעם קאָנצערט, וואָס ווערט אײַנגעאָרדנט ווי אַ טייל פֿון דער „סעריע קאָנצערטן פֿאַר יונגע אַרטיסטן אויפֿן נאָמען פֿון סידני קרום“, וועט מען צום ערשטן מאָל פֿאָרשטעלן די אָ נײַע קאָמפּאָזיציעס:
„אונטער שׂרהלעס וויגעלע“ אויפֿן סמך פֿונעם פֿאָלקסליד „אונטער ייִדעלעס וויגעלע“, געשאַפֿן פֿון יהודית שאַטין.
אַ קאָמפּאָזיציע אינספּירירט פֿון איציק מאַנגערס „אופֿן וועג שטייט אַ בוים“, געשאַפֿן פֿון מאַרטין ברעזניק.
אַ נײַער נוסח פֿון מאָריס ראָזענפֿעלדס „מײַן ייִנגעלע“, געשאַפֿן פֿון מאַרטי עפּשטיין
„די אַלטע קשיא“ אויפֿן סמך פֿונעם פֿאָלקסליד „פֿרעגט די וועלט אַן אַלטע קשיא“, געשאַפֿן פֿון אַלעקס ווײַזער
אַקאָמפּאָזיציע אויפֿן סמך פֿונעם פֿאָלקסליד „זײַט געזונט“, געשאַפֿן פֿון אַהרן קערניס.
די נײַע קאָמפּאָזיציעס וועלן אויפֿגעפֿירט ווערן דורכן אַנסאַמבל „קאַנטאַנאַ פּראָפֿאַנאַ“. עס וועלן אויפֿטרעטן די זינגער אַני ראָזען און עמילי דאָנאַטאָ, דער פֿידלער דזשייקאָב אַשוואָרט און דער פּיאַניסט דניאל שלאָסבערג.
נאָך אינפֿאָרמאַציע, און כּדי צו לייענען דאָס פּראָגראַם־ביכל, גיט אַ קוועטש דאָ.
A message from our Publisher & CEO Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
